එතෙරින් මෙතරට/ මෙතරින් එතෙරට මුදල් ගෙන යාමේදී ඔබ දැනගත යුතුම දෑ

විදේශීය මුදල් මෙරටට රැගෙන ඒම

යම් පුද්ගලයෙකුට

  • සාමාන්‍ය බැංකු මාර්ග ඔස්සේ නීත්‍යානුකූලව උපයාගත් විදේශ මුදල් ඕනෑම ප්‍රමාණයක් ශ්‍රී ලංකාව තුලට එවිය හැකිය.
  • තැපැල් කාර්යාලයීය ආඥා පනතේ සිමාවන්ට යටත්ව, විදේශීය මුදල්වලින් ප්‍රකාශිත මුදල් ඇනවුම් හෝ තැපැල් ඇනවුම් තැපෑලෙන් ප්‍රේෂණයකළ හැකිය.
  • යම් විදේශීය මුදලක් තමා වෙත හෝ ගමන් මලු තුල රැගෙන ආ හැකිය.  එහෙත් සමස්ත මුදල් ප්‍රමාණය ඇමරිකානු ඩොලර් 15,000.00 ක් හෝ ඊට සමාන වෙනත් විදේශීය මුදල් ප්‍රමාණය ඉක්මවන්නේ නම්, පැමිණීමේ පර්යන්තයේදී රේගුවට ලිඛිතවප්‍රකාශයක් කළ යුතුය.
  • ඔහු හෝ ඇය, ඇ.ඩො.5000/= කට වැඩි හෝ ඒ සමාන අගයක විදේශ මුදල් නෝට්ටු ආපසු ගෙන යාමට අදහස් කරන්නේ නම් තමා ගෙන එන සමස්ත මුදල් ප්‍රමාණය ඇ.ඩො.15000/= ක වටිනාකමට වඩා අඩුවූවත්  එම මුදල් පිළිබඳව පැමිණීමේ පර්යන්තයේදී රේගුවට ප්‍රකාශ කර සිටීම අවශ්‍ය වේ.
විදේශීය මුදල් ශ්‍රී ලංකාවෙන් පිටතට රැගෙන යාම
  • බලයලත් විදේශ මුදල් ගනුදෙනුකරුවෙකුට සිය සාමාන්‍ය ව්‍යාපාර කටයුතුවලදී අත්කර ගෙන ඇති විදේශ මුදල්, ලබාදී ඇති අවසරයේ සීමාවන් තුල, ශ්‍රී  ලංකාවෙන් පිටතට යැවිය හැකිය.
  • ශ්‍රී  ලාංකිකයෙකුට විනිමය පාලන පනතේ නියමයන්ට යටත්ව නීත්‍යානුකූලව උපයාගත් විදේශ මුදල් පිටතට ගෙනයාමට හෝ යැවීමට හැකිය.  විදේශ මුදල් සන්තකයෙහි තබාගැනීම සම්බන්ධයෙන් විනිමය පාලකවරයාගේ 2007.09.25 දිනැති අංක 1516 /19 දරණ ගැසට් නියෝගයට අනුව, තමා සන්තකයෙහි  රඳවාගෙන සිටින විදේශීය මුදල් පිටතට රැගෙන යා හැකිය.
  • විදේශිකයෙකුට අවසන් වරට තමා ගෙනඑන ලද, වියදම් නොකර ඉතිරි වූ විදේශීය මුදල් ප්‍රමාණය පිටතට ගෙන යා හැකිය. එහෙත් සමස්ත මුදල් වටිනාකම ඇ.ඩො.10,000/= හෝ වෙනත් මුදල් වර්ගයකින් ඒ හා සමාන මුදලක් ඉක්මවා යන්නේ නම් හෝ නෝට්ටුවලින් නම් ඇ.ඩො.5000/=ක් හෝ වෙනත් මුදල් වර්ගයකින් ඒ හා සමාන මුදලක් ඉක්මවන්නේ නම්, ඔහු හෝ ඇය ඒ පිළිබඳව රේගුවට ලිඛිත ප්‍රකාශයක් කළ යුතුය.

ආයතනයේ තොරතුරු

රේගු දෙපාර්තුමේන්තුව

නො 40,
කෙලින් වීදිය,
කොළඹ 11.

කේ. ඩී. එන්. ඒ මිල්රෝයි මහතා
දුරකථන:+94-11-2470945 to +94-11-2470948
ෆැක්ස් අංක:+94-11-2446364
විද්‍යුත් තැපෑල:slcdgc@slt.lk
වෙබ් අඩවිය: www.customs.gov.lk

මූලාශ්‍රය රේගු දෙපාර්තමේන්තුව

වැඩබිම

තවත් දෙස් විදෙස් තොරතුරැ සඳහා පිවිසීන වැඩබිම වෙබ් අඩවියට 

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - wedabima@yahoo.com - +94 777 073 435