කොවිඩ්වලින් මියගිය ශ්‍රමිකයින් වෙනුවෙන් රක්ෂණ වන්දි පිරිනැමීමට පියවර

කොවිඩ් 19 වැළඳීමෙන් මිය ගිය ශ්‍රමිකයින් වෙනුවෙන් රක්ෂණ වන්දි පිරිනැමීම සඳහා ශ්‍රි ලංකා විදේශ සේවා නියුක්ති කාර්යාංශය විසින් මේ වන විට පියවර ගෙන තිබේ. ඒ අනුව මියගිය අය අතුරින් 14 දෙනෙකු වෙනුවෙන් අදාළ ලිපි ගොනු දැනටමත් ශ්‍රි ලංකා රක්ෂණ සංස්ථාව වෙත යොමු කොට තිබේ.

එම මියගිය 14 දෙනා අතරට පිරිමි ශ්‍රමිකයින් 12 දෙනෙකු හා කාන්තා ශ්‍රමිකයින් දෙදෙනෙකු ඇතුළත් වේ. ඔවුන්ගෙන් 9 දෙනෙකු සෞදි ආරාබියේදී මියගොස් ඇති අතර, තවත් සිව් දෙනෙකු කුවේට් හා එක් අයෙකු ඩුබායිහීදි මිය ගොස් තිබේ.

ශ්‍රි ලංකා විදේශ සේවා නියුක්ති කාර්යාංශය හා ශ්‍රි ලංකා රක්ෂණ සංස්ථාව අතර, විගමණික ශ්‍රමිකයින් වෙනුවෙන් ඇති කරගත් රක්ෂණ ගිවිසුමට අනුව යමින් කොවිඩ් 19 වැළඳීමෙන් මිය යන කාර්යාංශයේ ලියාපදිංචි ශ්‍රමිකයින්ට මෙම වන්දි පිරිනැමේ.

මෙයට අමතරව කොවිඩ් හේතුවෙන් මියගිය බව තහවුරු කරගත් 23 දෙනෙකුගේ ආගමික කටයුතු සඳහා රු.40,000.00 බැගින් ගෙවීමටද මේ වන විට කටයුතු යොදා තිබේ. කොවිඩ් 19 වැළදීමෙන් මිය ගිය තවත් ශ්‍රමිකයින් පිරිසකගේ ලියවිලි කාර්යාංශයට ලැබෙමින් පවතින අතර, ඔවුන් වෙනුවෙන්ද රක්ෂණ වන්දි පිරිනැමීමට ඉදිරියේදී කටයුතු කෙරේ.

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - wedabima@yahoo.com - +94 777 073 435