දහතුන් දහසක් බ්‍රිතාන්‍යය තුළ වහල් සේවයේ

බ්‍රිතාන්‍යය තුළ කොපමණ පිරිසක් වහල්සේවය වැනි සේවා තත්වයන් මත රැකියාවල යොදවා ඇතිද යන්න පිළිබඳව ඉඟියක් බ්‍රිතාන්‍ය ස්වදේශ කටයුතු භාර අමාත්‍යවරිය විසින් පළ කොට තිබේ.

පසුගිය වසරේ සංගණනයකට අනුව 10,000 සහ 13,000 අතර පිරිසක් එලෙස වහල් තත්වයෙන් සේවයේ යොදවා ඇති අතර එම ප්‍රමාණය කලින් දැන සිටියාට වඩා හතර ගුණයක වැඩිවීමක් බවයි හෙළිවී ඇත්තේ.

ස්වදේශ කටයුතු ලේකම් තෙරීසා මේ විස්තර කරන්නේ වදහිංසා වලට ලක් වී ඇති ප්‍රමාණය හද කම්පා කරවන බවයි.

මෙලෙස වහලුන් ලෙස රැකියාවල යෙදවුවන් බොහොමයක් වෛශ්‍යාවන්, ගෘහ සේවක සේවිකාවන්, භෝග වගා සහයකයින් සහ ධීවර බෝට්ටු සේවකයන් වැනි අය බවටයි හඳුනාගෙන ඇත්තේ.

මෙම තත්වය පාලනය කිරීම සඳහා බ්‍රිතාන්‍ය ආගමන පොලීසිය විසින් වරාය සහ ගුවන් තොටුපළ වල විශේෂඥ නිලධාරීන් යොදවා තිබේ.

මූලාශ්‍රය – බීබීසි/සංදේශය

වැඩබිම

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - wedabima@yahoo.com - +94 777 073 435