නිවාඩු දින හා ඇඳිරි නීතිය සම්බන්ධයෙන් රජයෙන් විශේෂ ප්‍රකාශයක්!

කන්දකාඩු මත්ද්‍රව්‍ය නිවාරණ ප්‍රතිකාර මධ්‍යස්ථානය කේන්ද්‍ර කර ගනිමින් රට තුළ කොවිඩ් නයින්ටීන් ආසාදිතයින් වාර්තාවිමත් සමග රජය විසින් නිවාඩු දින ප්‍රකාශයට පත්කිරිමට හා ඇඳිරි නීතිය පැණවිමට කටයුතු කරන බවට පැතිර යන ප්‍රකාශ අසත්‍ය බව රජයේ ප්‍රවෘත්ති දෙපාර්තමේන්තුව පවසයි.

ඇතැම්  පාර්ශව විසින් එම අසත්‍ය ප්‍රකාශ අඛණ්ඩව සමාජගත කරමින් සිටින බවට නිරික්ෂණ වී ඇති බව එම දෙපාර්තමේන්තුව සඳහන් කළේය.

කන්දකාඩු මත්ද්‍රව්‍ය නිවාරණ ප්‍රතිකාර මධ්‍යස්ථානය කේන්ද්‍ර කර ගනිමින් රට තුළ ඇති වූ නව වෛරස ආසාදිත ව්‍යාප්තිය පාලනය කිරිම සඳහා ගත යුතු සියලු ක්‍රියාමාර්ග උපරිම වශයෙන් ක්‍රියාවට නංවා ඇති බව රජයේ ප්‍රවෘත්ති දෙපාර්තමේන්තුව නිවේදනය කළේය.

ඒ බැවින් රජය විසින් මේ දක්වාත් නිවාඩු දින ප්‍රකාශයට පත්කිරිමට හෝ ඇඳිරි නීතිය පැණවිම සම්බන්ධයෙන් කිසිදු තීරණයක් ගෙන නොමැති බව සඳහන් කළේය.

මෙවැනි අසත්‍ය ප්‍රචාර සමාජ ගත කරමින් සමාජය තුළ අනවශ්‍ය කැළඹිමක් ඇති කිරිමට කටයුතු කරන පුද්ගලයින් සම්බන්ධයෙන් විධිමත් පරික්ෂණයක් පවත්වන ලෙස රජය අදාල අංශ වෙත උපදෙස් ලබාදී ඇති බව එම දෙපාර්තමේන්තුව කළ නිවේදනයේ සඳහන් වේ.

එබැවින් යම් පුද්ළයෙකු කොවිඩ් නයින්ටීන් වෛරස ආසාදිතයෙකු බවට තහවුරු වුවහොත්,  ඒ බව සහ එම තත්ත්වය සම්බන්ධයෙන් රජය විසින් ගනු ලබන ක්‍රියාමාර්ග හා සමාජ දැනුවත් විය යුතු සියලු කරුණු පිළිබඳ නිල තොරතුරු ක්ෂණිකව ජනතාව වෙත දැනුම් දීමට කටයුතු කරන බව රජයේ ප්‍රවෘත්ති දෙපාර්තමේන්තුව වැඩිදුරටත් සඳහන් කළේය.

මූලාශ්‍රය -අද දෙරණ

වැඩබිම

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - wedabima@yahoo.com - +94 777 073 435