ප්‍රවාහන පහසුකම් සපයා ගැනීමේදි සැලකිලිමත් වන්න

කොළඹ, ගම්පහ දිස්ත්‍රික්කවල ඇඳිරි නීති රෙගුලාසි ලිහිල් කිරීම සමග ප්‍රවාහන පහසුකම් සලසා ගැනීමේදී  මහජන  අවධානයට ලක් විය යුතු කරුණු කිහිපයක් ඇතැයි සෞඛ්‍ය සේවා අධ්‍යක්ෂ ජනරාල්වරයා පෙන්වාදෙයි.

කොළඹ, ගම්පහ දිස්ත්‍රික්කවල ඇඳිරි නීතිය ක්‍රියාත්මකව පැවතියද යම් යම් සීමාවන්‍ට යටත්ව මහජනතාවත්, විශේෂයෙන් ව්‍යාපාර කරන පුද්ගලයින් එම දිස්ත්‍රික්ක වෙත පැමිණියහ. එසේම අත්‍යවශ්‍ය සේවා වල නිරත රාජ්‍ය හා පෞද්ගලික අංශයේ පුද්ගලයින්ද එසේ බලපත්‍ර රැගෙන පැමිණියහ. ඇඳිරි නීතිය පවතිද්දීම රටේ අත්‍යවශ්‍ය කටයුතු සිදු කරන්නේ කෙසේද යන්න ශ්‍රී ලංකාව ලෝකයට ආදර්ශ සපයා තිබේ. මෙවැනි ක්‍රම ලෝකයේ මේ වනතෙක් වාර්තා වී නොමැති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා පවසයි.

නව තත්ත්වය යටතේ බස් රථ ප්‍රවාහන සේවා සැපයීමේදී කොළඹ නගරයට ඍජුවම, අසීමිතව  ප්‍රමාණයට ජනතාව ප්‍රවාහනයට අවස්ථාවක් ලබාදී නොමැත. පැමිනෙන බස්රථ එක් සීමාවක නතර කෙරේ. මෙහිදී මාතර – කොළඹ, නුවර – කොළඹ ආදී  දුර ගමන් සේවාවලට යම් ගැටලුවක්ද මේ නිසා මතුවිය හැකිය. බස්රථ නතර කරන එම ස්ථානයේ සිට නැවත ප්‍රවාහන පහසුකම් සේවා ලබා ගැනීමට සිදුවනු ඇත. එහෙත් ආයතන වෙත ප්‍රවාහන සේවා සපයන කාර්යාල සේවා ඍජුව ක්‍රියාත්මක වෙයි.

මේ තත්ත්වය මහජනතාව මැනවින් වටහාගෙන ක්‍රියාකිරීමෙන් 26 වනදා සිට මතුවිය හැකි ගැටලු අවම කර ගැනීමට හැකිවන බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා පෙන්වා දෙයි.

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - wedabima@yahoo.com - +94 777 073 435