පත්වීම් ලද අභ්‍යාසලාභී උපාධිධාරීන්ගේ දීමනා ගැන කසුකුසුවක් -මේ ගැන දැනුවත්ද?

ස්වදේශ කටයුතු අමාත්‍යාංශය යටතේ ප‍්‍රාදේශීය ලේකම් කාර්යාලවල සිටින උපාධිධාරීන්ට එලෙස අගෝස්තු මස දීමනාව මෙතෙක් හිමි වී නොමැති බවත්, පුහුණුව අවසන් කර ඇති උපාධිධාරින් ස්ථිර කරන ලෙසත් ඉල්ලා මුදල් අමාත්‍යංශයේ ලේකම්වරයා වෙත ලිපියක් යොමුකරමින් සංවර්ධධන නිලධාරින්ගේ සංගමය ඉල්ලීමක් කර ඇත.

එම ලිපියේ වැඩිදුරටත් සඳහන් වන්නේ,

2020 අගෝස්තු 01 දිනට වසරක අභ්‍යාසලාභී පුහුණුව අවසන් කර ඇති අභ්‍යාසලාභී සංවර්ධන නිලධාරීන් සඳහා අගෝස්තු මාසයට අදාළ රු.20 000/- මාසික දීමනාව මෙතෙක් නොලැබුණු බව වාර්තා වේ.

වාර්තාවන අන්දමට ක‍්‍රීඩා හා තරුණ කටයුතු අමාත්‍යාංශය යටතේ වන කුඩා ව්‍යාපාර සංවර්ධන අංශය යටතේ දිස්ත‍්‍රික් පුරා සිටින උක්ත දීමනාව අදාළ උපාධිධාරීන්ට හා ස්වදේශ කටයුතු අමාත්‍යාංශය යටතේ ප‍්‍රාදේශීය ලේකම් කාර්යාලවල සිටින උපාධිධාරීන්ට එලෙස අගෝස්තු මස දීමනාව මෙතෙක් හිමි වී නොමැති බව වැඩිදුරටත් වාර්තා වේ.

2019. 08. 01 දින අභ්‍යාසලාභී පුහුණුව සඳහා ඇතුළත් වූ උක්ත දිනැති උපාධිධාරීන් 2020. 08. 01 දිනට පසු දිනය සහිත ස්ථීර කළ යුතු වුවවත් මේ දක්වා ස්ථීර කිරීමට අදාළ අමාත්‍ය මණ්ඩල පත‍්‍රිකාවට අනුමැතිය ලැබීමේ ප‍්‍රමාදය විවිධ ගැටළුවලට බලපෑ ඇති බව වැඩි දුරටත් පෙන්වා දෙන්නෙමු.

2020. 08. 01 දින අභ්‍යාසලාභී පුහුණුව අවසන් කර ස්ථීර කිරීමට ගතවන ප‍්‍රමාදය හේතුවෙන් රාජ්‍ය ආයතන වල සේවයේ නියුතු එම අභ්‍යාසලාභී උපාධිධාරීන්ට අදාළ දීමනාව අඛණ්ඩව ගෙවීමට කටයුතු කරන ලෙසත්, වාර්තා නොවූ ආයතන යටතේ අභ්‍යාසලාභී උපාධිධාරීන්ට අදාළව අගෝස්තු මස සිට දීමනාව හිමි නොවූවේද යන්න සොයා බලා අදාළ ගෙවීම් කරන මෙන් ද ඉල්ලා සිටිමු.

2020. 09. 16 දින පුහුණුව අවසන් වූ අභ්‍යාසලාභී උපාධිධාරීන්ට ද ඉදිරි කාලසීමාව තුළ ස්ථීර කරන තෙක් හිමිවිය යුතු දීමනාව අඛණ්ඩව ලබා දීම සම්බන්ධයෙන් ගැටළු මතුවිය හැකි බවද පෙන්වා දෙන්නෙමු. ඒ සඳහා සුදුසු පියවර කල්වේලා සහිතව ගන්නා මෙන්ද ඉල්ලා සිටිමු.

2019. 08. 01 සහ 2020. 09. 17 දින අභ්‍යාසලාභී පුහුණුව අවසන් කර ඇති අභ්‍යාසලාභී උපාධිධාරීන් 14,450 දෙනා ස්ථීර කිරීම සඳහා වන අමාත්‍ය මණ්ඩල පත‍්‍රිකාවට කඩිනමින් අනුමැතිය ලබා ගැනීමට ක‍්‍රියා කරන මෙන් ඉල්ලා සිටින අතර ඔවුන්ගේ ස්ථීර පත්වීම් දිනය පුහුණුව අවසන් කළ දිනට පසු දිනය සහිතව ස්ථීර කිරීමට පියවර ගන්නා ලෙසත් කාරුණිකව ඉල්ලා සිටිමු.

වැඩබිම

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - [email protected] - +94 777 073 435