විදේශයේ සිට ලාංකිකයින් ගෙන්වීමේ මෙහෙයුම් අද සිට

මෙරටට පැමිණීමට කැමැත්තෙන් විදේශයන්හි රැඳී සිටින ශී‍්‍ර ලාංකිකයන් යළි මව්බිමට ගෙන්වා ගැනීමේ මෙහෙයුම් අද (31) සිට යළි ආරම්භ කිරීමට රජය තීරණය කර තිබෙනවා.

ඒ අනුව පළමු අදියර යටතේ අද දිනයේ ශී‍්‍ර ලංකාවට ගෙන්වා ගැනීම සිදුවන්නේ එක්සත් අරාබි එමීර් රාජ්‍යයේ ඩුබායි සහ අබුඩාබිවල සිටින ශී‍්‍ර ලාංකිකයින් පිරිසක්. ඒ අනුව අදින් පසු ඉදිරියට විදෙස්ගත ශී‍්‍ර ලාංකිකයින් ගෙන්වීමේ මෙහෙයුම් ක‍්‍රමානුකූලව සිදුකරන බවයි විදේශ සබඳතා පිළිබද ජනාධිපති අතිරේක ලේකම් අද්මිරාල් ජයනාත් කොළඹගේ මහතා කියාසිටියේ.

කෙසේවෙතත් මැතිවරණ සමයේ දින කිහිපයක් මෙම කටයුතු තාවකාලිකව නතර කරන බව ද ජනාධිපති අතිරේක ලේකම් අද්මිරාල් ජයනාත් කොළඹගේ වැඩිදුරටත් සඳහන් කළා.

කෙසේවෙතත් විදේශිකයන් සදහා මෙරට ගුවන් තොටුපොල විවෘත කරන නිශ්චිත දිනයක් මේ දක්වා ප‍්‍රකාශ කළ නොහැකි බවයි මෙහිදී වැඩිදුරටත් ප‍්‍රකාශ කෙරුණේ.

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - wedabima@yahoo.com - +94 777 073 435