ශිෂ්ඨ රැකියා කතිකාවතට ඔබත් එක්වන්න

ජගත් තලයේදී ශිෂ්ඨ රැකියා සංකල්පය සම්මතයක් ලෙස පිලිගැනුමට ලක්වීමෙන්  අත්කරගෙන ඇති මෙම ප්‍රතිපත්තිමය ජයග්‍රහණය ඔබේ සේවාස්ථානය තුල ප්‍රායෝගිකව භුක්ති විඳිනු පිණිස ඔබටත් කාර්ය භාරයක් ඇත.

රජය රට තුල නිර්මාණය කරන රැකියා, ශිෂ්ඨ රැකියා බවට පත්කිරීමට ජගත් කම්කරු සංවිධානයට ලබා දී ඇති එකඟතාවයට අනුව කටයුතු කිරීමට බැඳී සිටියි. එය ක්‍රියාත්මක කල හැක්කේ ඔබ ඒ පිළිබඳව උනන්දුවෙන් සිටි නම් හා ඒ සඳහා ඔබගෙන්  ඉටු විය යුතු අවම යුතුකම හෝ ඉටු කිරීමට ඔබ සුදානම් නම් පමණි.

පවතින රැකියා හා නිර්මාණය වීමට ඇති රැකියා ශිෂ්ඨ රැකියා බවට පත්කිරීමට ඔබ හඬ නැගිය යුතුය. පවතින රැකියා ලෝකය ශිෂ්ඨ බවට පත් කල යුතුව ඇත. අපට අවශ්‍ය වන්නේ නිකම්ම නිකම් රැකියා නොවේ, ශිෂ්ඨ රැකියා ය. මෙම මතය වෙනුවෙන් හඬ නැගීම තොරතුරු තාක්ෂණ ලොවේ දී ඔබට නිහඬවම අන්තර්ජාලය හරහා සිදු කල හැකිය. එහි ඇති මහිමය ඔබ නිසැකවම දනී. මේ සඳහා වන ඔබේ නිහඬ මතය රටේ ප්‍රතිපත්තිමය වෙනසකට තුඩු දෙන ලෙස ඔසවා තබන දිනය ජගත් ශිෂ්ඨ රැකියා දිනයයි.

ජගත් ශිෂ්ඨ රැකියා දිනය සඳහා ඔබේ දායකත්වයේ වටිනාකම රැඳී ඇත්තේ ඒ සඳහා ඔබට ඇති සැබෑ අවංක වුවමනාව මතය. ඒ නිසා ඔබේ ක්‍රියාවේ පරිමාව වැදගත් නොවේ. ඔබ මේ පිළිබඳව ඔබේ සේවාස්ථානයේ සගයින් සමග කරන ධනාත්මක සුහද කතිකාවක්, මහ පාරේ කරන ක්‍රියාමාර්ගයක්, ප්‍රතිපත්ති දායකත්වයක් හෝ අන්තර්ජාල සමාජ ජාල හරහා ගෙන යන සංවාද කතිකාවතකට දායක වීමක්  වුවත් ඉතා සුවිශාල බලපෑමක් ඔබේ, ඔබේ සගයින්ගේ, ඔබේ පවුලේ අයගේ හෝ ඔබේ දරුවන්ගේ රැකියා, ශිෂ්ඨ රැකියා බවට හරවනු පිණිස ඉටු කරනු ඇත.

මේ සඳහාම වෙන්වූ පොදු ෆේස්බුක් පිටුවක්, විවිධ රැකියා ස්ථාන නියෝජනය කරන ශිෂ්ඨ රැකියා ක්‍රියාදරයින් පිරිසක් වන අප විසින් නිර්මාණය කොට ඇත. මේ හරහා ඔබේ දැනුවත් භාවය වර්ධනය කරගැනීමටත් හරවත් සංවාදයක් හා සමාජයීය ජනමතයක් ගොඩ නැගීමටත් අවස්තාව සැලසේ.

එන්න… ඔබගේ,  ඔබේ සගයින්ගේ, ඔබේ පවුලේ අයගේ  ජීවිතවල අපේක්‍ෂා ඉටුකලහැකි ශිෂ්ඨ රැකියා ගොඩනැගීමේ කාර්යභාරයට අප සියලු දෙනා උරදෙන ෆේස්බුක් පිටුව හා ඔබත් අදම සම්බන්ධ වන්න….!

 අපගේ ෆේස්බුක් පිටුව: FBශිෂ්ඨ රැකියා ක්‍රියාදරයන්/Shishta Rakiya Kriyadharayan  

ITUC-WDDW-logo-english

ශිෂ්ඨ රැකියා ගැන දැනගන්න මෙම සබැඳුම ක්ලික් කරන්න: ශිෂ්ඨ රැකියා ගැන ඔබත් දැනගන්න

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - wedabima@yahoo.com - +94 777 073 435