හම්බන්තොට රෝහලේ නේවාසිකාගාර නිසා හෙදියන් ලෙඩ වෙයි

හම්බන්තොට නව මහ රෝහලේ නේවාසිකාගාරවල පැවැති අර්බුදය හේතුවෙන් වැඩවර්ජනයක නිරතව සිටින සියලු හෙද හෙදියන් වහාම සේවයට වාර්තා කරන ලෙස දන්වා පෞද්ගලිකව ලිපි යැවීම සිදුකළ බව හම්බන්තොට මහ රෝහලේ අධ්‍යක්ෂ වෛද්‍ය රවින්ද්‍ර අබේසූරිය  මහතා පැවසීය.

ඉකුත් 5 දා සේවයෙන් ඉවත් ගිය සියලුම හෙද හෙදියන් අද (8) වනවිටත් දින තුනක් රෝහලේ සේවයට වාර්තා කර නොමැති අතර 450 ක ප්‍රමාණයක් ඉක්ම වූ හෙද හෙදියන් සේවා මුර යටතේ රෝහලට සේවය සඳහා පැමිණිය යුතු වුවද ‍ගත වූ දින තුන තුළදී හෙද  හෙදියන් සේවයට වාර්තා නොකළේය.

නමුත් විශේෂඥ වෛද්‍යවරුන්, සාමාන්‍ය වෛද්‍යවරුන්, අතුරු වෛද්‍ය සේවාවේ නියැලී සිටින නිළධාරීන්, කණිෂ්ඨ කාර්ය මණ්ඩලය සහයෝගයෙන් රෝහලට පැමිණෙන රෝගීන් ප්‍රතිකාර සේවා සිදු කරමින් පවතින බවද රෝහල් අධ්‍යක්ෂවරයා සඳහන් කළේය.

හම්බන්තොට නව මහ රෝහලේ නේවාසිකාගාරවල පැවැති අර්බූදයක් හේතුවෙන් හෙද හෙදියන් හා අතුරු වෛද්‍ය සේවාවේ නිළධාරින් අතර ඇති වූ අර්බූදයක් හේතුවෙන් හම්බන්තොට මහ රෝහලේ සේවා කටයුතු දෙපාර්ශ‍වයේ වැඩවර්ජන හේතුවෙන් ඇණ හිට තිබිණි.

හම්බන්තොට මහ රෝහලේ පවතින අර්බූදකාරී තත්ත්වය හමුවේ හම්බන්තොට දිස්ත්‍රික්කයේ අහිංසක රෝගීන්ට සිදුවන අසාධාරණය සම්බන්ධයෙන් වහා සොයා බලා පියවරක් ගන්නා ලෙසට සෞඛ්‍ය අමාත්‍යංශයේ ලේකම්වරිය වෙත හදිසි ලිපියක් යැවීමට කටයුතු කළ බව හම්බන්තොට දිස්ත්‍රික් ලේකම් එම්.කේ බන්දුල හරිස්චන්ද්‍ර මහතා කීය.

හෙද හෙදියන් අද (8) දහවල් වෘත්තීය සමිති  නායකයින් හා නියෝජිතයින් සමඟ විශේෂ සාකච්ඡාවක් හම්බන්තොට දී පැවැත්වීමට ක‍ටයුතු කර ඇති බව හම්බන්තොට රෝහලේ හෙද සංගමයේ ප්‍රකාශයෙක් පැවසීය.

මූලාශ්‍රය – ලංකාදීප

වැඩබිම

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - wedabima@yahoo.com - +94 777 073 435