ETF අරමුදල් ආපසු ලබා ගැනීමට නිසි වයසක් අවශ්‍ය නොවේ

පොළිය සහ ලාභාංශ සමඟ සේවක භාරකාර අරමුදල් ශේෂය ආපසු ලබා ගැනීම සඳහා ඉල්ලුම්කිරීමට අනිවාර්ය වයස සම්පූර්ණ කිරීමේ අවශ්‍යතාව ඇති සේවක අර්ථසාධක අරමුදල (EPF) මෙන් නොව ETF සාමාජිකයන් තම අරමුදල් ශේෂය ආපසු ලබාගැනීමට නිශ්චිත වයසක් සම්පූර්ණ කරන තුරු සිටිය යුතු නැත.

කෙසේ වුවද පහත සඳහන් කරුණු පිළිබඳ සැළකිලිමත් විය යුතුය.

  • අරමුදල් ශේෂය ආපසු ලබාගැනීමට ඉල්ලුම්කරන්නේ නම් රැකියාවේ නියුක්තවීම අනිවාර්යයෙන් නතර කළ යුතුය.
  • රැකියාවේ නියුක්තවීම නතරකිරීමට හේතුව විශ්‍රාම ගැනීම, සේවයෙන් ඉල්ලා අස්වීම, සේවයෙන් පහ කිරීම, තනතුර අතහැර යාම ආදිය විය හැකිය.
  • මුදල් ආපසු ගෙවීමක් සිදුකර ඇති සේවා නියුක්තියක එය නතර වූ දින සිට වසර පහක් ගතවනතුරැ අරමුදල් ශේෂය ආපසු ලබාගැනීම සඳහා ඉල්ලුම්කිරීමට සාමාජිකයකුට හිමිකම් නොමැත.

මෙම රීතිය සම්බන්ධයෙන් ඇති ව්‍යතිරේකයන් පහත දැක්වේ.

  • වයස අවුරුදු 60ට එළඹීම.
  • ස්ථිර පදිංචිය සඳහා වෙනත් රටකට යාම.
  • විශ්‍රාම වැටුපකට හිමිකම් ඇති රජයේ සේවයට බැඳීම.
  • සදාකාලිකව ආබාධිතවීම නිසා රැකියාව අවසන් කිරීම.
  • සාමාජිකයකු මිය යාම.

සාමාජිකයන් රැකියාවක නියුතුව සිටියදී ඔවුන් වසර පහක සේවාකාලය සම්පූර්ණ කර තිබියදී වුවද වර්තමාන සේවා යෝජකයා වෙතින් ලැබී ඇති දායක මුදල් වලින් යුක්ත වන අරමුදල් ශේෂය ආපසු ලබා ගැනීමට ඉල්ලුම් කළ නොහැකිය.

මීළඟ කොටස: මුදල් ආපසු ගැනීමට ඉල්ලුම් කිරීම සම්බන්ධයෙන් ඇති සාමාන්‍ය උපදෙස්

වැඩබිම

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - wedabima@yahoo.com - +94 777 073 435