HSBC බැංකුවේ රැකියා 25,000 ක් කප්පාදු කෙරේ

වියදම් අඩු කිරීම පිණිස ලොව පුරා රටවල සේවය කරන සිය කාර්ය මණ්ඩලයෙන් රැකියා 25,000 ක් කපා හරින බවයි බැංකුව පවසන්නේ.

බ්‍රසීලයේ සහ තුර්කියේ තමන්ට අයත් සියලුම ව්‍යාපාර විකුණා දමන බව පවසන HSBC බැංකුව, අවදානම් සහගත වත්කම්වලින් ඩොලර් බිලියන තුන්සියයකට ආසන්න ප්‍රමාණයක් අඩු කරන බවද නිවේදනය කළේය.

වැඩිම රැකියා කප්පාදු කිරීමට නියමිතව තිබෙන්නේ බැංකුවේ මූලස්ථානය පිහිටි බ්‍රිතාන්‍යයේ කාර්ය මණ්ඩලය අතරින්.

මූලස්ථානය ලන්ඩනයේ සිට වෙනත් නගරයකට ගෙනයන්නේද යන්න පිළිබඳව මේ වසර අගභාගයේදී තීරණයක් ගැනීමට නියමිතයි.

ලෝකය වෙනස් වී තිබෙන බව පිළිගැනීමට කාලය එළැඹ ඇති බව පැවසූ බැංකුවේ ප්‍රධාන විධායක නිලධාරී ස්ටුවර්ට් ගලිවර්, දැන් අවධානය පළ කළ යුත්තේ ආසියානු කලාපයේ ආර්ථික වර්ධනය පිළිබඳව බවත් සඳහන් කළේය.

මූලාශ්‍රය – BBC

වැඩබිම

Print Friendly, PDF & Email

ඔබේ අදහස් එකතු කරන්න

ස්වයංක්‍රීය සිංහල ටය්පින් මෘදුකාංගය සහිතයි. ඔබේ වචන සිංග්ලිෂ් වලින් ටයිප් කර ස්පේස් බාර් එක එබීමෙන් ස්‌වයංක්‍රීයව සිංහල වචන වලට හැරවේ.

මෙම වෙබ් අඩවිය ශ්‍රමය පිළිබද අධ්‍යාපනය, දැනුම හා අන්‍යොන්‍ය සංවාදය සදහා පමණක් වෙන් වුවකි.

Wedabima.lk © 2014 | Contact - wedabima@yahoo.com - +94 777 073 435