රට දැය රකින විරුවන් ඇත නෙක අයුරින්
මිනිසුන් නිසා දිවි දෙයි දෙවිවරු විලසින්
වැඩ බිම දනන් විඳිනා නෙක දුක් සිතඟින්
දුටුවා නුඹේ හදවත රිදෙනා තරමින්
තේජස කෙනෙකු තුල තිබෙනා මනා ලෙස
පරිනත බවේ සැකයක් නැත කිසිම ලෙස
කාටත් එකම හැන්දෙන් බෙදනා රහස
ඇල්ලූ කෙනෙකු තවමත් නොගැටුනා ඇස
අනියත නමුත් ලොව පවතින සියලු දෙය
පවතින්නට දෙයක් මෙහි සැඟවිලා ගිය
සොයනා නමුත් දින දින වියකෙනා දෙය
හමුවන මගක් නැතිවම සිහිනයක් විය
ඉපදුන සැවොම මිය යනවා යම් දිනක
නුඹ ගිය දිනේ නොමයයි ගිලිහී මතක
හැකි උනොතින් හමුවෙනවා අපි දිනක
යහපත් සිතින් පැතුමක් නැගුනා සිතක
- තුෂාරි සේනාරත්න -
