සියලුම බස් සංගම් ඒකාබද්ධව ලබන 18 වනදා මධ්‍යම රාත්‍රියේ සිට අඛණ්ඩව වර්ජනයක නිරත වීමට තීරණය කළ බව සමස්ත ලංකා පෞද්ගලික බස් හිමියන්ගේ සංගමයේ ප්‍රධාන ලේකම් අංජන ප්‍රියන්ජිත් මහතා ප්‍රකාශකර තිබේ.
හෙතෙම මේ බව සඳහන් කළේ ඊයේ (06) දිනයේ බස් රථ සංගම් නියෝජිතයන් නාරාහේන්පිටදී කැඳවූ මාධ්‍ය හමුවකට එක්වෙමිනි.
බස් කර්මාන්තය මුහුණ දෙන ගැටළුවලට රජයෙන් විසදුමක් නොලැබීම හේතුවෙන් සියලුම බස් රථ සංගම් ඒකාබද්ධව මෙම තීන්දුව ගත් බවද ඔහු ඔහු එහිදී සඳහන් කළේය.
රජය ප්‍රකාශ කළ පරිදි බස් රථ සදහා 4% පොලී අනුපාත යටතේ ලක්ෂ තුනක ණය පහසුකම් ලබාදීම, පෞද්ගලික බස් රථ සදහා ලොග් සටහන්පත් සඳහා මුදල් අය නොකිරීම, ලීසිං සහනය ලබාදීම, ජාතික ගමනාගමන කොමිෂන් සභාව සහ පළාත් ප්‍රවාහන අධිකාරිය ඉවත්කර ලංගම සහ පෞද්ගලික බස් රථ පාලනයට වෙනම ආයතනයක් ස්ථාපිත කිරීම ඇතුළු ඉල්ලීම් සම්බන්ධයෙන් රජයෙන් ඉල්ලීම් කර ඇති බව සඳහන් කළ ඒ මහතා ලබන 15 වනදා වන විට මෙම ගැටලුවලට විසඳුම් නොලැබුණහොත් 18 වන දා සිට අඛණ්ඩව බස් රථ වර්ජනයක නිරතවන බව එහිදී අවධාරණය කළේය.
