පෞද්ගලික අංශයේ සේවාවල නියුතු සේවකයින්ගේ අවම මාසික වේතනය ඉහළ දැමූ බව දන්වමින් කම්කරු දෙපාර්තමේන්තුව නිවේදනයක් නිකුත් කර තිබේ.
ඒ අනුව, පෞද්ගලික අංශයේ යම් කර්මාන්තයක හෝ සේවාවක හෝ නියුක්ත සේවකයින් සඳහා ගෙවිය යුතු ජාතික අවම වේතනය මාසිකව රු.12,500ක් ලෙස ද දෛනිකව රු. 500ක් ලෙස ද වන පරිදි අදාළ සංශෝධනය සිදු කර තිබේ.
එම සංශෝධනය 2021 අගෝස්තු 16 වන දින සිට ක්‍රියාත්මක වන බවත් අගෝස්තු මස 20 වන දින ගැසට් පත්‍රයේ පළ කර ඇති බවත් අදාළ නිවේදනයෙන් දැනුම් දී ඇත.
මින් පෙර පෞද්ගලික අංශයේ සේවකයෙකුගේ මාසික වේතනය රු.10,000ක් වූ අතර දෛනික වැටුප රු. 400ක් විය.
සංශෝධිත අවම වේතනයට එක්විය යුතු අයවැය සහන දීමනා ඇතුළත්ව වේතනය ගණනය කළ යුතු ආකාරය සහිත අදාළ නිවේදනය පහතින් දැක්වේ.
