කාන්තාවන් සවිබල ගැන්වීම සඳහා සෞදි අරාබියානු රජය විසින් බොහෝ වැඩසටහන් ක්‍රියාත්මක කර තිබෙන බව ශ්‍රී ලංකාවේ සෞදි අරාබියානු තානාපති කාර්යාලය පවසයි.
අදට (08) යෙදෙන ජාත්‍යන්තර කාන්තා දිනය නිමිත්තෙන් ප්‍රකාශක් කරමින් ශ්‍රී ලංකාවේ සෞදි අරාබියානු තානාපති කාර්යාලය මේ බව පෙන්වා දී තිබේ.
ඇතැම් විට ඒවායින් වඩාත් වැදගත් වන්නේ මානව සම්පත් හා සමාජ සංවර්ධන අමාත්‍යාංශයේ මුලපිරීමක් ලෙස දියත් කරන කාන්තා සවිබල ගැන්වීමේ වැඩසටහන් බව එම තානාපති කාර්යාලය කියා සිටියි.
එසේම ජ්‍යෙෂ්ඨ ව්‍යුහාත්මක නායකත්ව තනතුරු කාන්තාවන්ගේ සහභාගිත්වය හරහා රාජයේ හා පෞද්ගලික අංශයේ මෙන්ම සියලුම රැකියා මට්ටම්වල කාන්තාවන්ගේ ගුණාත්මක සහභාගීත්ව අනුපාතය ඉහළ නැංවීමට සැලසුම් කරන බව එකී නිවේදනයේ දැක්වෙයි.
ස්ත්‍රී පුරුෂ දෙපාර්ශවය අතර සමතුලිතතාවයක් ඇතිකර ගැනීමේ අරමුණෙන් ඔවුන්ගේ ශක්තීන් සහ හැකියාවන් ආයෝජනය කිරීම මගින්, ඔවුන්ගේ රැකියා විකල්පය පුළුල් කරගැනීම සහ ඔවුන්ගේ සහභාගීත්වය වැඩිකර ගැනීම බව පෙන්වාදෙන ශ්‍රී ලංකාවේ සෞදි අරාබියානු තානාපති කාර්යාලය පිරිමි සහ ගැහැනු අතර ප්‍රමාණාත්මක හා ගුණාත්මක පරතරය අඩු කිරීම සහ එයට බාධා වන බාධක ජය ගැනීම හරහා මානව, ආර්ථික හා සමාජීය දියුණුව සාක්ෂාත් කරගැනීම අපේක්ෂා කරන බවද කියාසිටියි.
සංවර්ධනයේ රෝදය ඉදිරියට ගෙන යාම සඳහා කාන්තාවන් වැඩිපුර ඇතුළත් කර ගැනීම සඳහා නීති සම්පාදනය සහ ප්‍රතිසංස්කරණ පසුගිය වසර කිහිපය තුළ සිදු වී තිබෙන අතර නායකත්වය සහ කළමනාකරණ භූමිකාවන් තුළින් ඵලදායී ලෙස දායක වීම සඳහා ඇයගේ වැදගත් කාර්යභාරය මෙයට හේතු වී තිබෙන බවද එහිදී සුදුසුකම් ලත් කාන්තාවන් ක්ෂේත්‍ර කිහිපයක ඉහළ තනතුරුවලට පත් කිරීමට සෞදි රජය උනන්දු වූ බවද පවසා සිටියි.
ශුරා කවුන්සිලයේ ආසනවලින් සියයට 20 ක් කාන්තාවන්ට වෙන් කිරීමට ගෞරවනීය රාජකීය නියෝගය නිකුත් කරන ලද අතර මීට අමතරව, ඇය නාගරික අධ්‍යක්ෂ මණ්ඩලවලට තේරී පත් වූ බවද රජයේ අංශයේ නායකත්ව තනතුරු සඳහා කාන්තාවන් කිහිප දෙනෙකු පත්කරන ලද බවද පෙන්වාදෙයි.
රාජ්‍යයේ නීති සෑම ආකාරයකම ප්‍රචණ්ඩත්වය, විශේෂයෙන්ම කාන්තාවන්ට සහ ගැහැනු ළමයින්ට එරෙහි ප්‍රචණ්ඩත්වය සාපරාධී ලෙස සලකන අතර වසර 2013 සැප්තැම්බරයේ නිකුත් කරන ලද අපයෝජනයෙන් ආරක්ෂා කිරීමේ නීතිය එහි සියලු ආකාර සහ ප්‍රකාශනයන් හි අපයෝජනය තහනම් කර අපරාධයක් බවට පත්කර ඇති බව සිහිපත් කරයි.
ප්‍රචණ්ඩත්වය පිළිබඳ පැමිණිලි සහ වාර්තා මානව සම්පත් හා සමාජ සංවර්ධන අමාත්‍යාංශයේ වාර්තා ලබා ගැනීම සඳහා නම් කරන ලද මධ්‍යස්ථානය හරහා ක්‍රියාත්මක කරන බවත්, සන්නිවේදන ලබාගැනීම සඳහා සියලුම කලාප සහ ආණ්ඩුකාර ප්‍රදේශවල ආරක්ෂක කණ්ඩායම් ද පිහිටුවා ඇති අතර ජාතික පවුල් සුරක්ෂිතතා වැඩසටහන මෙම ක්ෂේත්‍රය තුළ ප්‍රධාන කාර්යභාරයක් ඉටු කරන අතර, එය වැළැක්වීමේ සහ උපකාරක වැඩසටහන් සැපයීම, දැනුවත් කිරීම සහ විශේෂඥයින්, රාජ්‍ය සහ පෞද්ගලික ආයතන සහ ජාත්‍යන්තර සමඟ වෘත්තීය සහයෝගීතා ගොඩනැගීම මගින් පවුල ප්‍රචණ්ඩත්වයෙන් ආරක්ෂා කිරීම අරමුණු කරගත් ජාතික වැඩසටහනක් ක්‍රියාත්මක බවද, තානාපති කාර්යාලය නිකුත් කළ නිවේදනයේ දැක්වෙයි.
මේ අයුරින් සෑම ක්ෂේත්‍රයකම කාන්තාවන් සවිබල ගැන්වීම සහතික කිරීම සඳහා සෞදි අරාබි රාජධානිය විසින් ප්‍රමුඛතම ක්‍රියාමාර්ග කිහිපයක්ම ගෙන ඇති බව සෞදි අරාබියානු තානාපති කාර්යාලය වැඩිදුරටත් කියා සිටියි.
