ශ්‍රී ලංකාව සහ ඕස්ට්‍රේලියාව අතර සිදුකෙරෙන මිනිස් ජාවාරම මැඩපැවැත්වීමේ අරමුණින් යුතුව ඕස්ට්‍රේලියානු රජය විසින් මෙරට පොලිසිය වෙත ඩ්‍රෝන 5 ක් පරිතයාග කර තිබේ.
මේ පිළිබඳව වාර්තා කරමින් Australian Aviation Magazine පවසන්නේ ස්වභාවික ආපදා දර්ශන තක්සේරු කරන සහ අන්තර්ජාතික අපරාධ විමර්ශන සිදුකරන “ඩ්‍රෝන ආවේක්ෂණ හැකියාවක්” ඇති කිරීමට ශ්‍රී ලංකාවට උදව් කිරීමේ පුළුල් ව්‍යාපෘතියක කොටසක් ලෙසින් මෙම පරිත්‍යාගය සිදුකරන ලද බවය.
ඒසේම මෙය ජාවාරම්කරුවන්ට සහ නීතිවිරෝධී සංක්‍රමණිකයින්ට බෝට්ටුවෙන් ඕස්ට්‍රේලියාවට නීතිවිරෝධී ලෙස ඇතුළුවීම ගැන සලකා බැලීම සඳහා ප්‍රබල පණිවුඩයක් ලබාදෙනු ඇති බව එම වාර්තාවේ වැඩිදුරටත් සඳහන් වේ.
