මස්කෙලිය නල්ලතන්නිය පොලිස් වසමට අයත් මරේ වතුයායේ කොටස් 7 ක සේවකයින් 2020.09.27 වන සඳුදා දින වතු තේ කම්හල ඉදිරිපිට විරෝධතා ව්‍යාපාරයක් පැවැත්වූහ.
සෞඛ්‍ය උපදෙස් අනුගමනය කරමින් 200කට අධික සේවකයින් පිරිසක් මෙලෙස විරෝධතාවයේ නිරතවූ අතර සටන් පාඨ කියමින් විරෝධතාවයේ නිරතවූ බවයි අප වාර්තාකරු ප්‍රකාශ කළේ.
මෙම උද්ඝෝෂණය සඳහා මරේ වතුයායේ බෝරස් කොටස,නල්ලතන්නිය පහළ කොටස,නල්ලතන්නිය ඉහළ කොටස,වලදල කොටස,ගැඩස් කොටස,පුදුකාඩු කොටස සහ රාජමලෙයි කොටසසේ සාමාජිකයින් සහභාගී වූහ.
ඊට අමතරව විරෝධතාවයේ නිරත කම්කරුවන් මතුකළ තවත් වැදගත් කාරණයක් වූයේ,වතු වගාව වගකිව යුතු කළමනාකාරිත්වයේ අකාර්‍යක්ෂමතාව හේතුවෙන් වතු වනාන්තර විනාශ වෙමින් පවතින බවත් නිසි ආකාරයෙන් සුද්දකර වතු පවත්වාගෙන නොයන නිසා තේදළු අඩුවීම මෙන්න්ම කූඩෑල්ලන්,දිවියන් මෙන්ම ඌරන් වගේ සතුන් බෝවීමත් සිදුව ඇති බවයි.මෙවැනි තත්ත්වයන් තුළ ඉතා අවදානම් සහගතව තේදළු කඩන බවයි කම්කරුවන් ප්‍රකාශ කළේ.
වතු සේවකයින්ගේ මෙම ගැටළුව සම්බන්ධයෙන් වතු කළමනාකාරීත්වයෙන් විමසූ කළ ඔවුන් ප්‍රකාශ කළේ, මෙම ගැටළුව ඔවුන්ගේ වත්තට පමණක් නොව සමස්ත වතුකරයටම බලපා තිබෙන බවත් තේ වලට රසායනික පොහොර යෙදීමට නොහැකි වීම හේතුවෙන් අස්වැන්න පහත වැටී ඇති අතර පවතින අධික වර්ෂාවද තවත් හේතුවක් වි ඇති බවයි.තවද රජයේ ප්‍රතිපත්තිවලට අනුව රසායනික පොහොර භාවිතය නැවතී තිබෙන බවත් සඳහන් කළේය.කෙසේ වෙතත් මෙම ගැටළුවලට විසඳුම් ලබා ගැනීම සඳහා වැඩපිළිවෙලක් සකස්කර තිබෙන අතර ඉදිරි කාලයේදී යම්තාක්දුරට මෙම ගැටළු විසඳෙනු ඇති බවයි.
