දැනට පවතින ඖෂධ තොග මාස තුනකින් අවසන් වීමට නියමිත බැවින් දැවැන්ත ඖෂධ හිඟයක් ඇතිවීමට ආසන්න බව සමස්ත ලංකා පෞද්ගලික ඔසුසල් හිමියන්ගේ සංගමයේ (ACPPOA) සභාපති චන්දික ගන්කන්ද මහතා පැවසීය. ඔහු කියා සිටියේ රටට අවශ්‍ය ඖෂධවල 5% ක හිඟයක් පවතින බවයි.
වත්මන් තත්ත්වය ගැන වැඩි දුරටත් කරුණු පැහැදිලි කළ ගන්කන්ද මහතා, “ඖෂධ විවිධ හඳුනාගැනීමේ සන්නාමවලින් ලේබල් කර තිබෙනවා. බොහෝ ඔසුසල් පාරිභෝගිකයින්ට විකල්ප සන්නාම ලබා දීමට භාවිතා කළේ ඉල්ලුම් කළ වෙළඳ නාම තොග අවසන් වූ නිසයි. දැනට පවතින තොග සමඟ, මෙම පුරුද්ද දිගු කලක් පවත්වා ගත නොහැකියි. රජය මැදිහත් නොවන්නේ නම්, සිමෙන්ති, ගෘහස්ථ ගෑස් සහ කිරිපිටි හිඟයට වඩා ඖෂධ සම්බන්ධයෙන් විශාල ප්‍රශ්නයක් මතු විය හැකියි. රටේ සෑම දෙයක්ම පදනම් වී ඇත්තේ මිනිසුන්ගේ සෞඛ්‍යය මත යි. මිනිසුන් අසනීපයෙන් පෙළෙනවා නම් අපට අනාගතයක් ගැන සිතිය නොහැකියි.
“රටේ දැනට පවතින ඩොලර් අර්බුදයත් සමඟ නිෂ්පාදකයන්ට සහ ආනයනකරුවන්ට අවශ්‍ය ඖෂධ නිෂ්පාදනය කිරීමට හෝ ආනයනය කිරීමට නොහැකි වී ඇත්තේ ඒවා මිලෙන් වැඩි නිසයි. ඔවුන් ආනයනය කරන ඇතැම් ඖෂධ මිල පාලනයට යටත් වුවහොත් ඒවා දේශීයව අලෙවි කළ නොහැකියි. හිගය දිගටම පැවතුනහොත් ඉන්සියුලින් හිගයක් ඇති වීමට ඉඩ තිබෙනවා. බොහෝ දේශීය ඖෂධ නිෂ්පාදන සමාගම් මාස තුනකට ප්‍රමාණවත් බෆර් තොග තබා ගත්තා. ඒ නිසා එය රටට දැනෙන්නේ නැහැ‘‘
අමුද්‍රව්‍ය ආනයන වියදම් ඉහළ යාම හේතුවෙන් මෙරට ඇතැම් නිෂ්පාදන නිෂ්පාදනය මන්දගාමී වී තිබෙනවා. ඇතැම් ඖෂධවල පාලන මිල ඉවත් කිරීමට රජයට නොහැකි නම් ඩොලර් අනුපාතය අනුව උච්චාවචනය වන මිල සූත්‍රයක් හඳුන්වා දිය යුතුයි. එබැවින් පැරසිටමෝල්, පැනඩෝල්, පැනඩීන්, ෆ්‍රිසියම්, සාමාන්‍ය සේලයින් සහ සිනාට් වැනි ජනප්‍රිය ඖෂධ බොහොමයක් හිඟයක් පවතින බව පෙනී යනවා. එමෙන්ම මෙරට දරුවන්ට ලබාදෙන ප්‍රතිජීවක සිරප් හිඟයක් ද පවතිනවා. පැරසිටමෝල් පෙති සඳහා ඉල්ලුම ඉහළ ගොස් ඇත්තේ ඔමික්‍රොන්, ඩෙංගු, වෛරස් උණ වැනි ත්‍රිත්ව තර්ජනයක් නිසා නොව ප්‍රමාණවත් සැපයුමක් නොමැතිකම නිසයි.
පැරසිටමෝල්, පැනඩෝල්, පැනඩීන්, නයිට්‍රොෆුෆුරන්ටොයින්, නයිට්‍රොකොන්ටින්, නොර්ෆ්ලොක්සැසින්, මැග්නීසියම් සල්ෆේට් (කුඩු), මැනොරෙස්ට් ඔක්සෙටෝල් ෆීනෝබාර්බිටල්, ෆ්‍රිසියම් 10mg (කියෝලැක්ස්), සාමාන්‍ය සේලයින්, නයිට්‍රොෆුරැන්ටොයින් සාමාන්‍ය සේලයින්, ඔක්සයින් 50, ටොයිලයින් 50, ඇමිකාසින් 50, MINIPRESS XL, TNT යන ඖෂධවල විශාල හිගයක් තිබෙනවා‘ යැයි ද සමස්ත ලංකා පෞද්ගලික ඔසුසල් හිමියන්ගේ සංගමයේ (ACPPOA) සභාපති චන්දික ගන්කන්ද මහතා පැවසීය.
