යෝජිත ජාතික අධ්‍යාපන ප්‍රතිපත්ති රාමුවට විරුද්වෙ විශ්වවිද්‍යාල ආචාර්යවරුන් විසින් ප්‍රකාශනයක් ඉදිරිපත් කර ඇති අතර, එහිදී ඔවුන් ප්‍රකාශ කර සිටින්නේ, අධ්‍යාපනය සම්බන්ධ කිසිදු ප්‍රතිසංස්කරණයක් යෝජනා හෝ ක්‍රියාත්මක කිරීමට පෙර පුළුල් වශයෙන් අදහස් විමසීම් සිදුකළ යුතු බවට අවධාරණයද කළයුතු බවයි.
එම ප්‍රකාශනය පහතින් දැක්වේ.
ජාතික අධ්‍යාපන ප්‍රතිපත්ති රාමුවට විරුද්ධ වෙමු! නිදහස් අධ්‍යාපනය අහෝසි කිරීමට විරුද්ධ වෙමු!
විශ්ව විද්‍යාල කථිකාචාර්යවරුන්ගේ ප්‍රකාශය
අප ඉන්නේ පැවැත්ම පවා තර්ජනයට ලක්වන ආකාරයේ ආර්ථික අර්බුදයක් මැදය. දිනෙන් දින වැඩිවන ණය බර මධ්‍යයේ අවිනිශ්චිත අනාගතයක් පිළිබඳ සැකසංකා හා බැඳුණු සමාජ-දේශපාලනික ව්‍යසන සමඟ අප දිගටම පොර බදන්නෙමු. පසුගිය වසර කිහිපය තුළ අධ්‍යාපනය ප්‍රතිසංස්කරණය කිරීම සඳහා කරන ලද යෝජනා තුළින් අධ්‍යාපනය සමාජමය දේපලක් හැටියට දැකීමේ මෙරට භාවිතය වෙනස් කරන්නට අර ඇදීම පිළිබඳව විශ්වවිද්‍යාල කථිකාචාර්යවරු වශයෙන් අප සැලකිළිමත් වන්නෙමු.
රාජ්‍ය විශ්ව විද්‍යාල පද්ධතිය අපකීර්තියට පත් කිරීමේ ව්‍යාපෘතිය සමඟ මෙම ප්‍රතිසංස්කරණ යෝජනා බැඳී පවතින බව අප පෙන්වා දෙන්නේ කෝපයෙන් යුතුවය. රාජ්‍ය විශ්ව විද්‍යාල වලට වෙන්කරන අරමුදල් කප්පාදු කරන අතරේ සියළු විරෝධතා ප්‍රචණ්ඩකාරී ලෙස මර්දනය කිරීමද රජය සිදු කරයි. බදුගෙවන ජනතාවගේ මුදල් අපතේ හරිමින් විරෝධතා ව්‍යාපාර වල නිමග්න වන බව පැවසෙන විශ්ව විද්‍යාල සිසුන්ගේ ඡායාරූප මාධ්‍ය පුරා සැරිසරයි. ඉහළ මට්ටමේ දේශපාලකයින් රාජ්‍ය විශ්ව විද්‍යාල වල සිසුන් සේවා නියුක්තියට නුසුදුසු බව චෝදනා කරන්නේ ඔවුන් අවශෝෂණය කරගැනීම සඳහා ප්‍රමාණවත් රැකියා වෙළඳපොලක් නොමැති බව කිසිදු සඳහනක් නොකොටය. මේ ආඛ්‍යාන නිසා මෙම ප්‍රතිසංස්කරණ අවශ්‍ය බව පමණක් නොව, ගත හැකි එකම ක්‍රියාමාර්ගය බවටද මතයක් සමාජයේ සමහර කොටස් අතර මුල්බැස ගනිමින් පවතී. එහෙත් මෙවැනි ප්‍රතිසංස්කරණ නිසා ඇමෙරිකාව හා එක්සත් රාජධානිය වැනි රටවල උසස් අධ්‍යාපනයට සිදුව ඇති හානිය අරබයා ඇති සාක්ෂි පිළිබඳ එහිදී සාකච්ඡා නොවේ.
මෙහි නවතම යෝජිත ප්‍රතිසංස්කරණය වන්නේ ළඟදීම පාර්ලිමේන්තුවේ සභාගත කිරීමට නියමිත ජාතික අධ්‍යාපන ප්‍රතිපත්ති රාමුවයි. මෙය කිසිදු ආකාර අදහස් විමසීමකින් තොරව, අදහස් සඳහා විවෘත ආරාධනයක් පමණක් නිකුත් කරන ලදුව ආරම්භ කළ ක්‍රියාවලියකි. මෙමඟින් ප්‍රාථමික, ද්වීතීයික හා තෘතීයික අධ්‍යාපනයේ සිදුකිරීමට නියමිත වෙනස්කම් තුළින් මෙරට ජනතාවගේ හදවත් වලට සමීප නිදහස් අධ්‍යාපන ප්‍රතිපත්තියේ පදනම තර්ජනයට ලක්කරයි. යෝජිත ප්‍රතිසංස්කරණ වලින් පාසල් අධ්‍යාපනය සම්බන්ධ බොහෝ වෙනස්කම්ද යෝජනා කොට තිබුණත්, මෙම ප්‍රකාශයේ අරමුණ වන්නේ තෘතීයික අධ්‍යාපනය අරබයා යෝජනා කරන වෙනස්කම් වලට අවධානය යොමු කිරීමයි.
ව්‍යුහය සහ ආණ්ඩුකරණය
මෙම යෝජනා වලට අනුව විශ්ව විද්‍යාල ප්‍රතිපාදන කොමිෂන් සභාව වෙනුවට ජාතික උසස් අධ්‍යාපන කොමිසමක් ස්ථාපනය කෙරෙනු ඇත. ඒ ඔස්සේ රාජ්‍ය හා රාජ්‍ය නොවන උසස් අධ්‍යාපන ආයතන සියල්ල එක් අධිකාරියක් යටතට ගෙන එනු ඇති අතර, එතුළ පෞද්ගලික අංශයට සැළකිය යුතු බලයක් හිමිවනු ඇත. මේ ප්‍රතිපත්ති රාමුව තුළ රාජ්‍ය අනුග්‍රහයෙන් පවත්වාගෙන යනු ලබන අධ්‍යාපන පද්ධතිය පුළුල් කිරීම සඳහා කිසිදු කැපවීමක් දක්නට නොලැබේ. එහෙත් පෞද්ගලික අංශයට වෙන්කෙරෙන අරමුදල් සහ ලබාදෙන සහන පිළිබඳව එහි පැහැදිලිව දක්වා තිබේ. දැනටමත් හිඟ තත්වයේ පවතින රාජ්‍ය අංශයේ සම්පත්, ලාභය මූලික කරගත් පෞද්ගලික තෘතීයික අධ්‍යාපනයට හැරවීමේ ක්‍රමයකි මෙය. ඇත්තෙන්ම මෙම ප්‍රතිපත්ති රාමුවේ මූලිකම අරමුණ ”රාජ්‍ය නොවන හවුල්කරුවන්ගේ සහභාගීත්වයෙන්, විශේෂයෙන්ම පොදු-පෞද්ගලික හවුල්කාරීත්වයන් තුළින්” (පිටුව 28) උසස් අධ්‍යාපනයෙහි ලා පෞද්ගලික අංශයේ භූමිකාව ප්‍රසාරණය කිරීමයි.
තෘතීයික අධ්‍යාපනය සඳහා අරමුදල් සම්පාදනය
වත්මනේ තෘතීයික අධ්‍යාපනය වෙත ප්‍රවිෂ්ටය ලබාගන්නා සිසුන් සංඛ්‍යාව ඉතා අඩු බවට දුක්වන රජය (යෝජිත ප්‍රතිපත්ති රාමුවේ එය උසස් පෙළට මුහුණ දෙන සිසුන්ගෙන් 8.9% ක ප්‍රමාණයක් බවට සාවද්‍ය ප්‍රකාශයක්ද සිදුකරයි), 2022 වසරේදී අධ්‍යාපනයට වෙන්කොට ඇත්තේ දළ දේශීය නිෂ්පාදිතයෙන් 1.2% ක් පමණක් බව ලෝක බැංකු වාර්තා වලට අනුව පෙනේ. එය ලෝකයෙන්ම අධ්‍යාපනයට වෙන්කොට ඇති දෙවැනි අඩුම ප්‍රතිශතයයි. මෙම ආයෝජනය සඳහා රජයට අවශ්‍යතාවයක් ඇති බව පෙනෙන්නට නැත. ඒ වෙනුවට මෙම ප්‍රතිපත්ති රාමුව තුළ රජය යෝජනා කරන්නේ ”පවතින සම්පත් නැවත බෙදාහැරීම, රාජ්‍ය නොවන ක්‍රියාධරයින් සමඟ හවුල්කාරීත්වයන් තුළින් අමතර සම්පත් ලබාගැනීම, සහ පෞද්ගලික පරිත්‍යාග වලින් සම්පත් ලබාගැනීම” (පිටුව 4) යන ක්‍රම ඔස්සේ එම ආයෝජන අවස්ථා සාධනය කරගැනීමයි.
මෙම ප්‍රතිපත්ති රාමුවෙහි යෝජනා කොට ඇති අරමුදල් සම්පාදනය කිරීමේ ක්‍රමය රජයේ විශ්ව විද්‍යාල වල වත්මනෙහි පවතින ක්‍රමය සම්පූර්ණයෙන්ම පෙරලා දැමීමකි. ඊට අනුව රාජ්‍ය විශ්ව විද්‍යාල සඳහා අරමුදල් තුන් ආකාරයකින් සම්පාදනය වනු ඇත: රජයෙන් ලැබෙන ප්‍රතිපාදන, පාඨමාලා ගාස්තු ආදිය තුළින් සිසුන් දක්වන දායකත්වය සහ විශ්ව විද්‍යාලයෙන් සම්පාදනය කරගන්නා අරමුදල් යන ඒවාය. තනි තනි පාඨමාලා සඳහා වෙන්වන අරමුදල් ප්‍රමාණය තීරණය වනු ඇත්තේ ඒවාට බැඳෙන සිසුන්ගේ ප්‍රමාණය මතය. මෙම මාදිලිය තුළ රාජ්‍ය සහ පෞද්ගලික විශ්ව විද්‍යාල සියල්ලටම සිය පැවැත්ම සහ අරමුදල් සඳහා තරඟ වැදීමට සිදුවනු ඇත.
අධ්‍යාපනයට ප්‍රවේශය
ඓතිහාසිකව, ද්විතීයික හා තෘතීයික මට්ටමේ නිදහස් අධ්‍යාපන ප්‍රතිපත්තිය නිසා විෂමතා අඩුවීම මෙන්ම දරිද්‍රතාවයෙන් බැටකන ජනතාවට ඉන් මිදීමේ මාර්ගයක් විවර වීමද සිදුවිනි. මේ තුළින් මධ්‍යම පාන්තික බොහෝ දෙනා ප්‍රයෝජන ලබා තිබේ. සමහර අධ්‍යයන පාඨමාලා වල පවත්වා ගන්නා දිස්ත්‍රික් කෝටා මෙන්ම වෙනත් එවැනි ව්‍යුහාත්මක වෙනස්කම් වලට සංවේදී ප්‍රතිපත්ති නිසා ස්ත්‍රී-පුරුෂ භාවය, පන්තිය, කුලය, ප්‍රාදේශීය අනන්‍යතාවය වැනි සාධක වල බලපෑමෙන් තොරව විශ්ව විද්‍යාල අධ්‍යාපනයට ප්‍රවේශය ලබාගැනීමේ හැකියාව සිසුන්ට ලැබී ඇත. එය රටේ සමාජ යුක්තිය ප්‍රවර්ධනයෙහිලා ඉතා වැදගත් භූමිකාවක් ඉටු කරයි. නිදහස් සෞඛ්‍ය ප්‍රතිපත්තියේ පැවැත්ම සඳහාද නිදහස් අධ්‍යාපනය වැදගත් වන්නේ එමඟින් සෞඛ්‍ය සේවයට අවශ්‍ය වෘත්තිකයන් අඩු මිලකට නිර්මාණය කරන හෙයිනි.
සිය අරමුදල් ස්වයංව සම්පාදනය කරගැනීම නව ප්‍රතිපත්තියට අනුව විශ්ව විද්‍යාල වල වගකීමක් බවට පත්වන නිසා, යම් දෙනලද අවස්ථාවක විශ්ව විද්‍යාලයක් මඟින් ලබාදෙන පාඨමාලා එම මොහොතේ වඩාත්ම ඉල්ලුමක් ඇති පාඨමාලා බවට පත්වනු ඇත. ඒවාට ඇදී එන සිසුන්ද නාගරික ඉහළ මධ්‍යම පාන්තික සිසුන් වනු ඇත්තේ, රැකියා වෙළඳපොල තුළ වැඩි වාසියක් ඇති ඔවුන්ට විශ්ව විද්‍යාල වලට බඳවා ගැනීම් වලදී වැඩි ප්‍රමුඛතාවයක් ලැබෙනු ඇති නිසාය. යෝජිත ජාතික උසස් අධ්‍යාපන කොමිසම විසින් විදෙස් සිසුන් ආකර්ෂණය කරගැනීම සඳහා වීසා බලපත්‍ර නිකුත් කිරීමත්, උපාධිය ලබාගැනීමෙන් පසු ලංකාව තුළ රැකියා අවස්ථා සම්පාදනය කිරීමත් අරමුණු කිරීම තුළ මෙම ගැටළුව තවදුරටත් තීව්‍ර වනු ඇති බව පෙනී යයි (පිටුව 26).
විශේෂ අවශ්‍යතා ඇති සිසුන් සම්බන්ධයෙන් හැරෙන්නට, මෙම ප්‍රතිපත්ති රාමුව තුළ සමාජ විෂමතා ආමන්ත්‍රණය කිරීමේ ක්‍රමවේදයක් දක්වා නොමැත. අධ්‍යාපනය සඳහා අරමුදල් සම්පාදනය කරගැනීම සිසුන්ගේ වගකීමක් බවට පත්වූ විට, ඒ සඳහා රජයේ දායකත්වය එන්න එන්නටම අඩුවනු ඇත. ඉහළ යන අධ්‍යාපන වියදම් වල තේරුම වන්නේ කාලයක් යනවිට ධනවත් පවුල් වලින් පැමිණෙන සිසුන් අධ්‍යාපනයට වැඩි ප්‍රවේශයක් ලබාගනු ඇති බවයි. ඒ තුළින්, පවතින සමාජ අසමානතා තවදුරටත් තීව්‍ර වේ.
මෙවැනි ප්‍රතිපත්තියකින් දැවැන්ත ප්‍රතිවිපාක ඇති වේ. අප දන්නා නිදහස් අධ්‍යාපනය වියැකී යනු ඇත. අධ්‍යාපනයට ඇති සමාන ප්‍රවේශය අහිමි වූ විට සමාජයේ ආන්තික කණ්ඩායම් වලට ප්‍රගමනය සඳහා පවතින ස්වල්පයක් මාර්ග වලින් එකක්ද වැසී යනු ඇත. මෙම ප්‍රතිපත්ති රාමුවෙන් නාගරික ඉහළ මධ්‍යම පාන්තික, දැනටමත් වෙනත් විකල්ප පවතින කණ්ඩායම් වලට බලපෑමක් නොවේ. සමාජ ස්ථායිතාව වෙනුවෙන් කරදර වන පිරිස, නිදහස් අධ්‍යාපනය වියැකී යන්නට හැරීමෙන් ඇතිවන දැවැන්ත අස්ථාවරත්වය අවබෝධ කරගත යුතුය.
යෝජිත ජාතික අධ්‍යාපන ප්‍රතිපත්ති රාමුවට අප තදින් විරුද්ධ වියයුතු අතර, අධ්‍යාපනය සම්බන්ධ කිසිදු ප්‍රතිසංස්කරණයක් යෝජනා හෝ ක්‍රියාත්මක කිරීමට පෙර පුළුල් වශයෙන් අදහස් විමසීම් සිදුකළ යුතු බවට අවධාරණයද කළයුතු වේ.
අත්සන් කළේ:
1. A. K. David, formerly Univ. of Peradeniya
2. A. M. Navaratna Bandara, formerly Univ. of Peradeniya
3. Ahilan Kadirgamar, Univ. of Jaffna
4. Anurudda Karunarathna, Univ. of Peradeniya
5. Anuruddha Pradeep Karnasuriya, Univ. of Sri Jayewardenepura
6. Anushka Kahandagama, formerly Univ. of Colombo
7. Arjuna Parakrama, Emeritus Professor, Univ. of Peradeniya
8. Aruni Samarakoon, Univ. of Ruhuna
9. Athulasiri Samarakoon, Open University of Sri Lanka
10. Asha L. Abeyasekera, formerly Univ. of Colombo
11. Avanka Fernando, Univ. of Colombo
12. Ayomi I. Irugalbandara, Open University of Sri Lanka
13. B. D. R. Prasantha, Univ. of Peradeniya
14. B. M. H. S. K. Banneheka, Univ. of Peradeniya
15. Barana Jayawardana, Univ. of Peradeniya
16. Bhathiya Rathnayake, Univ. of Peradeniya
17. Chamathka Devasirie Kariyawasam, Univ. of Peradeniya
18. Camena Guneratne, Open University of Sri Lanka
19. Chamika A. Silva, Univ. of Peradeniya
20. Chammika Mallawaarachchi, Univ. of Visual and Performing Arts
21. Charudaththe B. Illangasinghe, Univ. of Visual & Performing Arts
22. Chathurika Munasinghe, Univ. of Peradeniya
23. Chinthaka Chandrakumara, Univ. of Colombo
24. Chrishantha Abeysena, Univ of Kelaniya
25. Crystal Baines, formerly Univ. of Colombo
26. Dayapala Thiranagama, formerly Univ. of Kelaniya
27. Dewmini Amunugama, Univ. of Peradeniya
28. Dhamma Dissanayake, Univ.of Colombo
29. Dhanuka Bandara, Univ. of Peradeniya
30. Dileepa Witharana, Open University of Sri Lanka
31. Dilrukshi Abeysinghe, Univ.of Colombo
32. Dilmi Tharaka, Univ. of Peradeniya
33. Dimagi Pitawala, formerly Univ. of Peradeniya
34. Dinuka Wijetunga, Univ.of Colombo
35. Erandika de Silva, formerly Univ. of Jaffna
36. A. Janarth, Eastern University, Sri Lanka
37. F. M. Nawastheen, Open University of Sri Lanka
38. Farzana Haniffa, Univ. of Colombo
39. Fazeeha Azmi, Univ. of Peradeniya
40. G. D. U. P. K. Gamage, Univ. of Peradeniya
41. Gameela Samarasinghe, Univ. of Colombo
42. Gananath Obeyesekere, formerly Univ. of Peradeniya
43. Ganganee Chandima Samaraweera, Univ. of Ruhuna
44. Gayani Nawarathna, Univ. of Peradeniya
45. Gayatri Wijekoon, Univ. of Colombo.
46. Geethika Dharmasinghe, Univ. of Colombo
47. Gihan de Chickera, formerly Univ. of Colombo
48. H. Sriyananda, Emeritus Professor, Open University of Sri Lanka
49. Harshana Rambukwella, formerly Open University of Sri Lanka
50. Hasini Lecamwasam, Univ. of Peradeniya
51. Hasintha Wijesekara, Sabaragamuwa Univ. of Sri Lanka
52. Hasitha Pathirana, Univ. of Kelaniya
53. Hiniduma Sunil Senevi, Sabaragamuwa Univ. of Sri Lanka
54. Ishafa Illiyas, Univ. of Peradeniya
55. J. Prince Jeyadevan, Univ. of Jaffna
56. Jayadeva Uyangoda, Emeritus Professor, Univ. of Colombo.
57. Jennifer Edama, Univ. of Peradeniya
58. Jinasena Hewage, formerly Univ. of Ruhuna
59. K. K. G. Randula, Univ. of Colombo
60. K. M. S. Wimalasiri, Univ. of Peradeniya
61. Kalpa Rajapaksha, Univ. of Peradeniya
62. Kamal Wasala, Univ. of Moratuwa
63. Kamani Sylva, Univ. of Peradeniya
64. Kanchuka Dharmasiri, Univ. of Peradeniya
65. Kasun Gajasinghe, formerly Univ. of Peradeniya
66. Kaushalya Ariyarathne, Univ. of Colombo
67. Kaushalya Perera, Univ. of Colombo
68. Kethakie Nagahawatte, Univ. of Colombo
69. Krishantha Fedricks, Univ. of Colombo
70. Krishmi Apsara, Univ. of Peradeniya
71. Kumudu Kusum Kumara, formerly Univ. of Colombo
72. Lahiruka Madhuwanthi, Univ. of Peradeniya
73. Liyanage Amarakeerthi, Univ. of Peradeniya
74. M. A. Nuhman, formerly Univ. of Peradeniya
75. M. M. Alikhan, Univ. of Peradeniya
76. Madhara Karunarathne, Univ. of Peradeniya
77. Madhubhashini Disanayaka Ratnayake, Univ. of Sri Jayewardenepura
78. Maduranga Kalugampitiya, Univ. of Peradeniya
79. Madushani Randeniya, Univ. of Peradeniya
80. Mahendran Thiruvarangan, Univ. of Jaffna
81. Mahim Mendis, Open University of Sri Lanka
82. Manoj Alawathukotuwa, Univ. of Peradeniya
83. Ven. Muthukeliyawe Indarathana, Univ. of Peradeniya
84. N. Gafoordeen, Univ.of Colombo
85. Nadeesh de Silva, Open University. of Sri Lanka
86. Neavis Morais, Open University. of Sri Lanka.
87. N. G. A. Karunathilaka, Univ. of Kelaniya
88. Nicola Perera, Univ. of Colombo
89. Nira Wickramasinghe, formerly Univ. of Colombo
90. Nirmal Ranjith Dewasiri, Univ. of Colombo
91. Nishani Jayaweera, Univ. of Peradeniya
92. P. Iyngaran, Univ. of Jaffna
93. Paba Suraweera, Univ. of Peradeniya
94. Pamuditha Herath, formerly Univ. of Peradeniya
95. Pavithra Ekanayake, Univ. of Peradeniya
96. Pavithra Jayawardena, Univ. of Colombo
97. Prabhath Jayasinghe, Univ. of Colombo
98. Pradeep Peiris, Univ. of Colombo
99. Priyantha Fonseka, Univ. of Peradeniya
100. R. T. Gamalath, Univ. of Peradeniya
101. R. Angammana, Univ. of Peradeniya
102. Rajan Hoole, formerly Univ. of Jaffna
103. Rajitha Ranasinghe, Univ. of Peradeniya
104. Ramanie Jayatilaka, formerly Univ. of Colombo
105. Ramesh Ramasamy, Univ. of Peradeniya
106. Ramila Usoof, Univ. of Peradeniya
107. Ramya Kumar, Univ. of Jaffna
108. Ranjini Obeyesekere, formerly Univ. of Peradeniya
109. Rohan Laksiri, Univ. of Ruhuna
110. Ruhanie Perera, Univ. of Colombo
111. Rumala Morel, Univ. of Peradeniya
112. Rupika Rajakaruna, Univ. of Peradeniya
113. Ruth Surenthiraraj, Univ. of Colombo
114. S. Sivasegaram, formerly Univ. of Peradeniya
115. S. Arivalzahan, Univ. of Jaffna
116. Sachini Marasinghe, Univ. of Peradeniya
117. Sahani Situbandara, Univ. of Peradeniya
118. Samal Vimukthi Hemachandra, Univ. of Colombo
119. Saman Dharmakeerthi, Univ. of Peradeniya
120. Saman Pushpakumara, Univ. of Peradeniya
121. Samudrika Sylva, Univ. of Colombo
122. Sandaruwan Subasinghe, Univ. of Peradeniya
123. Sarala Emmanuel, Open University of Sri Lanka
124. Sarath Witharana, Univ. of Kelaniya
125. Sasanka Perera, formerly Univ. of Colombo
126. Sasinindu Patabendige, formerly Univ. of Jaffna
127. Saumya Liyanage, Univ. of Visual and Performing Arts
128. Savitri Goonsekere, Emeritus Professor, Univ. of Colombo
129. Savitri Kumar, Emeritus Professor, Univ. of Peradeniya
130. Seetha Bandara, Univ. of Kelaniya
131. Selvaraj Vishvika, Univ. of Peradeniya
132. Shalini Wijerathna, Univ of Peradeniya
133. Shamala Kumar, Univ. of Peradeniya
134. Shanil Wijesinha, Univ. of Colombo
135. Shashikala Assella, Univ. of Kelaniya
136. Shirley L. Wijesinghe, Univ. of Kelaniya
137. Shyamani Hettiarachchi, Univ. of Kelaniya
138. Siri Hettige, Emeritus Professor, Univ. of Colombo
139. Sirima Gajameragedara, formerly Rajarata Univ. of Sri Lanka
140. Sithumini Rathnamalala, Univ. of Moratuwa
141. Sivamohan Sumathy, Univ. of Peradeniya
142. Sudesh Mantillake, Univ. of Peradeniya
143. Supoorna Kulatunga, Univ. of Peradeniya
144. T. Sanathanan, Univ. of Jaffna
145. Tasneem Hamead, Univ. of Colombo
146. Thiru Kandiah, formerly Univ. of Peradeniya
147. Udari Abeyasinghe, Univ. of Peradeniya
148. Ven. Uduhawara Ananada, Univ. of Colombo
149. Unnathi Samaraweera, Univ. of Colombo
150. Upul Abeyrathne, Univ. of Peradeniya
151. Uwin Ariyarathna, Univ. of Peradeniya
152. Varuni Ganepola, formerly Univ. of Colombo
153. Vasanthi Thevanesam, Emeritus Professor, Univ. of Peradeniya
154. Vihanga Perera, Univ. of Peradeniya
155. Vijaya Kumar, Emeritus Professor, Univ. of Peradeniya
156. Visakesa Chandrasekaram, Univ. of Colombo
157. Vivimarie Vanderpoorten, Open University of Sri Lanka
158. Warshi S. Dandeniya, Univ. of Peradeniya
159. W. D. N. S. M. Tennakoon, Wayamba Univ. of Sri Lanka
160. Wijith Rohan Fernando, Univ. of Kelaniya.
161. W. M. M. P. Hulugalla, Univ. of Peradeniya
162. W. M. T. P. Ariyaratne, Univ. of Peradeniya
163. W. T. L. S. Fernando, Sabaragamuwa Univ. of Sri Lanka
164. Yasas Kulasekara, Univ. of Peradeniya
165. Yushani Alahakoon, Univ.of Peradeniya
