මහඔය හා පදියතලාවට කෘෂිකර්මාන්තයේ යෙදෙන කාන්තාවන්ගේ දරුවන් රැකබලා ගන්න ළමා සුරකුම් මධ්‍යස්ථාන දෙකක්
ළමාරක්ෂක පහසුකම්වල බරපතල හිඟය පියවා ගනිමින්, විශේෂයෙන් කෘෂිකාර්මික අංශයේ කාන්තාවන් මහඔය හා පදියතාලව මුල්කර ගනිමින් ආරම්භ කරන ලදි.
ECCD සත්කාර සමුපකාර ළමා සුරැකුම් මධ්‍යස්ථාන නොවැම්බර් 13 සහ 14 යන දිනවල අම්පාර දිස්ත්‍රික්කයේ මහඔය සහ පදියතලාව නගරවල නිල වශයෙන් විවෘත කරන ලදී.
මෙම මධ්‍යස්ථානවල අරමුණ වන්නේ කලාපයේ ළමාරක්ෂක පහසුකම්වල බරපතල හිඟය පියවා ගනිමින්, විශේෂයෙන් කෘෂිකාර්මික අංශයේ කාන්තාවන් අතර ශ්‍රම වෙළඳපොළ සහභාගීත්වය වැඩි කිරීමයි.
ECCD අධ්‍යාපනඥයින්ගේ සත්කාර සමුපකාර සංගමය විසින් පාලනය කරනු ලබන මෙම වෘත්තීය සමිති අනුග්‍රහය ලත් සත්කාර සමුපකාර මුලපිරීම, ජාත්‍යන්තර කම්කරු සංවිධානය (ILO) සමඟ සහයෝගයෙන් වැඩ කරන කාන්තාවන් සඳහා වූ මධ්‍යස්ථානයේ සහාය ඇතිව සිදු කෙරේ.
මෙම මධ්‍යස්ථාන මගින් ග්‍රාමීය ප්‍රජාවන්හි මුල් ළමාවිය සංවර්ධනය සහ කාන්තා ආර්ථික සවිබල ගැන්වීම යන දෙකම ප්‍රවර්ධනය කරමින්, වැඩි කාන්තාවන්ට ආර්ථික ක්‍රියාකාරකම්වල යෙදීමට හැකි වන අත්‍යවශ්‍ය ළමාරක්ෂක සේවා සපයයි.
