විදෙස්ගත ශ්‍රමිකයින්ගේ පවුල් වෙනුවෙන් සහන වැඩසටහනක් ආරම්භ කිරීමට ශ්‍රී ලංකා විදේශ සේවා නියුක්ති කාර්යංශය පියවර ගෙන තිබේ.
ඒ අනුව විගමණික ශ්‍රමිකයින්ගේ දරුවන් වෙනුවෙන් පාසල් උපකරණ සහ ස්වයං රැකියා ආධාර ලබාදීමේ වැඩසටහනක් මෙලෙස ආරම්භ කර ඇති බව එම කාර්යංශය සඳහන් කළේය.
ජපානය, කොරියාව සහ ඔස්ට්‍රේලියාව යන රටවල හැර වෙනත් රටවල සිටින විගමණික ශ්‍රමිකයින්ගේ පවුල්වල එක් දරුවෙකු වෙනුවෙන් රුපියල් 5,000 ක පාසල් උපකරණ මෙහිදී ලබාදීමට නියමිතය.
මීට අමතරව විදෙස්ගතව සිට මෙරටට පැමිණ වසර 5 ක කාලයක් නොඉක්මවූ ශ්‍රමිකයින්ගේ දරුවන්ට ද පාසල් උපකරණ ලබාගැනීමේ වැඩසටහන සඳහා අයදුම් කිරීමේ හැකියාව පවතී.
- විදෙස්ගත ශ්‍රමිකයින්ට වාසිදායක අලුත් අඩු පොලී ණය ක්‍රමයක්
- 2023 මාර්තු මාසයේ සිට ගෘහ සේවිකාවන් ලෙස විදෙස්ගත කිරීම අත්හිටුවනවා
- රටට ඩොලර් එවන විදෙස්ගත ශ්‍රමිකයන්ට ලැබෙන නව තීරුබදු සහනය ගැන ඔබ දන්නවාද?
- විදෙස්ගත ශ්‍රමිකයින්ට ඉතිහාසයේ නොලැබුණ ප්‍රතිලාභ රැසක්! මෙන්න සම්පූර්ණ විස්තර
- විදෙස්ගත ශ්‍රමිකයින්ට හිමි විශ්‍රාම වැටුප ලබා ගන්න අනිවාර්ය කොන්දේසියක්
මේ අතර විදෙස්ගතව සිට මෙරටට පැමිණ වසර 5 නොඉක්මවූ විගමණික ශ්‍රමිකයින් සඳහා රුපියල් 50,000 ක වටිනාකමින් යුක් ස්වයං රැකියා ආධාර ලබාදීමේ වැඩසටහනක් ද විදේශ සේවා නියුක්ති කාර්යංශය විසින් ආරම්භ කර තිබේ.
මෙම සහන වැඩසටහන් සඳහා අයදුම්පත්‍ර ඉදිරිපත් කිරීමේ හැකියාව පවතින අතර මේ සම්බන්ධයෙන් ප්‍රාදේශිය ලේකම් කාර්යාලවල විදේශ රැකියා සංවර්ධන නිලධාරීවරයාගේ අවශ්‍ය උපදෙස් ලබා ගත හැකි බව විදේශ සේවා නියුක්ති කාර්යංශය පැවසුවේය.
