All Stories
රජය විසින් වැඩි කළ රුපියල් දහසේ දෛනික වැටුප සියළු තේ වතු කම්කරුවන්ට හිමි විය යුතු බව කම්කරු දෙපාර්තමේන්තුව ප්‍රකාශ කර තිබේ.
මේ සම්බන්ධයෙන් වැඩිදුරටත් අදහස් දක්වමින් කම්කරු කොමසාරිස් ජනරාල් ප්‍රභාත් චන්ද්‍රකිර්ති මහතා ප්‍රකාශ කළේ ඇතැම් කුඩා තේ වතු හිමියන් මේ වනවිටත් වතු කම්කරුවන්ට රුපියල් දහසකට වැඩි දෛනික වැටුපක් ගෙවන බවයි.
වතු කම්කරුවන්ගේ දෛනික වැටුප රුපියල් දහස දක්වා වැඩි කිරීමට එරෙහිව වතු සමාගම් 19 ක් අභියාචනාධිකරණයේ ඉකුත්දා රිට් පෙත්සමක් ගොණු කළා. ඒ සම්බන්ධයෙන්ද කම්කරු කොමසාරිස් ජනරාල්වරයා කරුණු දැක්වූවා.
වතු සමාගම් 19 ගොණුකළ රිට් පෙත්සම ලබන 26 වනදා සළකා බැලීමට අභියාචනාධිකරණය දින නියම කර තිබෙනවා.
රාජ්‍ය හා පෞද්ගලික අංශයේ වැටුප් වැඩි කරන ලෙස ඉල්ලමින් වෘත්තීය සමිති කිහිපයක් අද දිනයේ විරෝධාතවයක් දියත්කර තිබේ.
කොළඹ ජාතික රෝහල අසල සිට මුදල් අමාත්‍යාංශය දක්වා මෙම විරෝධතා පාගමන සංවිධානය කර ඇත.
රාජ්‍ය අංශයේ හා පෞද්ගලික අංශයේ සේවය වැටුප රුපියල් 15,000කින් වැඩි කිරීමත් පෞද්ගලික අංශයේ අවම වැටුප රුපියල් 25,000ක් දක්වා වැඩි කිරීම ඇතුළු තවත් ඉල්ලීම් කිහිපයක් මුල් කර ගනිමින් මෙම විරෝධතාවය සිදුකරනු ලබයි.
