එංගලන්තයේ කොරෝනා ආසාදිත ගණන අඩු වෙයි

එංගලන්තයේ කොරෝනා ආසාදිත ගණන අඩු වෙයි

ජනවාරියේ සිට එංගලන්තයේ කොරෝනා වයිරස් ආසාදන මට්ටම “ප්‍රබල ලෙස පහත වැටී” ඇති බව වසංගතය නිරීක්ෂණය කරන විද්‍යාඥයෝ පවසති. අගුලු දැමීම ආරම්භ වූ දා සිට එංගලන්තය පුරා ආසාදන තුනෙන් දෙකකින් අඩුවී ඇති බව ලන්ඩනයේ ඉම්පීරියල් කොලේජ්හි සිදුකළ අධ්‍යයනයෙන් අනාවරණය වී තිබේ. නමුත් වයිරස් මට්ටම තවමත් ඉහළ මට්ටමක පවතී. මෙය 2020 සැප්තැම්බර් අග දී දක්නට ලැබුන මට්ටම්වලට සමානය. අහඹු ලෙස තෝරාගත් පුද්ගලයින්ගේ 85,000කට වඩා වැඩියෙන් යොදාගෙන සිදු කළ මේ පරීක්ෂණය මත පදනම්ව බලන කළ මේවා අතුරු සොයාගැනීම් වුවද, ඔවුන් යෝජනා කරන්නේ සමාජ දුරස්ථභාවය සහ සීමා කිරීම් බලපෑමක් ඇති කරන බවයි.

එංගලන්තයේ අගුලු දැමීම ලිහිල් කිරීමට මාර්ග සිතියමක් සඳුදා ප්‍රකාශයට පත් කිරීමට පෙරාතුව, කොරෝනා වයිරස් පැතිරීම සඳහා එන්නත්වල බලපෑම පිළිබඳ නව දත්ත ලබා ගැනීමට අගමැති බොරිස් ජොන්සන් සූදානම් වෙද්දී මේ සොයාගැනීම සිදුවිය. බදාදා ඔහු අදහස් දක්වමින්, අගුලු දැමීමෙන් ඉවත්වීම සඳහා “දත්ත නොවන දින” ප්‍රවේශයක් ගැනීම “නියත වශයෙන්ම නිවැරදි” බවත්, එංගලන්තය “ප්‍රවේශමෙන්” පියවර ලිහිල් කරන බවත් අවධාරණය කළේය. බදාදා එක්සත් රාජධානිය පුරා තවත් කොරෝනා වෛරස් රෝගීන් 12,718ක් වාර්තා වී ඇති අතර එය දින හතක සාමාන්‍යයට වඩා 24%කින් පහත වැටී ඇත.

 

Author’s Posts