- ජනාධිපති අනුර කුමාර දිසානායක මහතා ඇමරිකානු ජනාධිපතිවරයාට සුභ පැතුම් එක් කරයි
අමෙරිකා එක්සත් ජනපදයේ ජනාධිපතිවරයා ලෙස රිපබ්ලිකන් පක්ෂයේ ඩොනල්ඩ් ට්‍රම්ප් තේරී පත් වී තිබේ. මැතිවරණ විද්‍යාල 277ක් ජයග්‍රහණය කරමින් ජයග්‍රහණය තහවුරු කරගෙන ඇති බව විදේස් මාධ්‍ය තහවුරු කරයි.
ඩොනල්ඩ් ට්‍රම්ප්ගේ පදවි ප්‍රාප්තිය 2025 ජනවාරි 20 සඳුදා එක්සත් ජනපද කැපිටල් ගොඩනැගිලි සංකීර්ණ ක්‍රීඩාංගණයේදී සිදු කිරීමට නියමිත ය.
ඇමරිකානු ජනාධිපතිවරයාට ශ්‍රී ලංකාවේ ජනාධිපති අනුර කුමාර දිසානායක මහතා තම X ගිනුමෙහි සටහනක් යොදමින් සුභ පැතුම් එක් කර ඇත.
එම X පණිවිඩය මෙසේය
“අමෙරිකා එක්සත් ජනපදයේ 47 වැනි ජනාධිපතිවරයා ලෙස වැඩි ඡන්ද ප්‍රමාණයක් ලබා ගනිමින් තේරී පත් වූ ඩොනල්ඩ් ජේ. ට්‍රම්ප් @realDonaldTrump වෙත උණුසුම් සුබ පැතුම් පිරිණමමි. ශ්‍රී ලංකාවේ සහ එක්සත් ජනපදයේ ජනතාවට ප්‍රයෝජනවත් වන අපගේ සබඳතාවල පොදු අරමුණු සාක්ෂාත් කර ගැනීම සඳහා ඔබ සමඟ සම්බන්ධව කටයුතු කිරීමට මම බලාපොරොත්තු වෙමි.”
