පූර්ණ එන්නත්කරණයට ලක්වූ රටවල් 8ක සංචාරකයින් සඳහා අද(19) දින සිට සිංගප්පූරුවට පැමිණීමට අවසර ලබාදීමට එරට රාජ්‍ය බලධාරීන් තීරණය කර තිබේ.
ඒ අනුව අදාළ සංචාරකයින් නිරෝධායනයට ලක්වීම අවශ්‍ය නොවන බව එරට බලධාරීන් පවසන අතර එක්සත් රාජධානිය, එක්සත් ජනපදය, ප්‍රංශය, ඉතාලිය, නෙදර්ලන්තය සහ කැනඩාව ඇතුළු රටවල් අටකට මෙලෙස සිංගප්පූරුවට පැමිණීමට අවසර හිමිවෙනු ඇති .
සිංගප්පූරුවේ ජනගහනයෙන් 80%කට අධික පිරිසක් පූර්ණ එන්නත්කරණයට ලක්කිරීමෙන් අනතුරුව එරට දෛනික කටයුතු සාමාන්‍ය පරිදි ආරම්භ කර තිබුණි.
ඒ අනුව පූර්ණ එන්නත්කරණයට ලක්වූ විදෙස් සංචාරකයින් සඳහා ද රට විවෘත කිරීමට තීරණය කර ඇති බව සිංගප්පූරු බලධාරීන් සඳහන් කළේය.
