රජයේ සේවකයන්ට සිකුරාදා දිනවල රැකියාවට වාර්තා නොකර ඒ වෙනුවට ගොවිතැන් කිරීමට හෝ ගෙවතු සහ අනෙකුත් ඉඩම් වගා කිරීමේ විකල්පයක් ලබා දීමේ යෝජනාවක් රජය සලකා බලමින් සිටින බව වාර්තා වේ.
සිකුරාදා දින රැකියාවෙන් ඉවත් වීමට කැමති රාජ්‍ය සේවකයින්ට තම ගෙවත්තේ හෝ වෙනත් ඉඩම්වල ආහාර වගා කිරීමට නිවාඩු දිනය යොදා ගැනීම සහතික කිරීම සඳහා කෘෂිකර්ම දෙපාර්තමේන්තුවේ ලියාපදිංචි විය යුතු බවද මේ අතර වාර්තා වේ.
මෙම යෝජනාව කෘෂිකර්ම දෙපාර්තමේන්තුව සමඟ සාකච්ඡා කර ඇති බවත් එය කඩිනමින් කැබිනට් මණ්ඩලයට ඉදිරිපත් කරන බවත් ඔහු පැවසීය.
සිකුරාදා දිනයේදී ඇතැම් කාර්යාල අවම කාර්ය මණ්ඩලයකින් ක්‍රියාත්මක විය හැකි බැවින් මෙම යෝජනාව සලකා බලා ඇත. දැනටමත් සමහර කාර්යාල සිකුරාදා සේවා සඳහා වසා දමා ඇත.
(ශ්‍රී ලංකා මිරර්)
