කටාරයේ සේවය කරන ලාංකික ශ්‍රමිකයින්ටද වැදගත් වෙන පුවතක් පසුගියදා විදෙස් පුවත් සේවා වාර්තා කර තිබුණි.
විදෙස් මාධ්‍ය වාර්තා කරන ආකාරයට වේගවත් මංතීරුවේ සෙමින් ධාවනය කිරීම සඳහා QR500 ක රථවාහන දඩයක් පනවන බව රථවාහන අමාත්‍යංශය නිවේදනය කර තිබෙන බව සඳහන් වෙයි.
විශේෂයෙන් ගිලන් රථ සහ පොලිසිය විසින් එම මංතීරුව භාවිතා කරන බැවින් මෙම මංතීරුවේ සෙමින් ධාවනය කරන මෝටර් රථ රියදුරෙකුට QR500 දඩයක් ගෙවන බවද සඳහන් කළේය. තවද අධිවේගී මාර්ගවල මෙම හැසිරීම පිළිබඳව බොහෝ පැමිණිලි ඇති බවත් අමාත්‍යංශය පැවසීය. රථවාහන මුර සංචාර, සිවිල් සහ හමුදා යන දෙඅංශයෙන්ම මෙම නීති උල්ලංඝනය කරන රියදුරන් නිරීක්ෂණය කර වාර්තා කරනු ඇත.
මාධ්‍ය සහ රථවාහන දැනුවත් කිරීමේ දෙපාර්තමේන්තුවේ සහකාර අධ්‍යක්ෂ කර්නල් ජාබර් මොහොමඩ් රෂීඩ් ඔඩයිබා පැවසුවේ “වමේ ඇති මංතීරුව නිශ්චිත වේගයන් සඳහා නම් කර ඇති අතර එය භාවිතා කරන මෝටර් රථ රියදුරන් නිශ්චිත වේගයකට වඩා අඩුවෙන් ධාවනය නොකළ යුතු” බවයි.මාර්ගයේ වම් මංතීරුවට ඉඩ සලසන ලෙසත් වාහන ගමනාගමනයට බාධා නොකරන ලෙසත් රියදුරන්ට උපදෙස් දුන්නේය.
