COVID-19 එන්නත ලබා ගැනීම ජනතාවගෙන් කොටසක් නොසලකා හැරීම පිළිබඳව සෞඛ්‍ය බලධාරීන් දැඩි අවධානයක් යොමු කර තිබෙනවා.
යළි ක්‍රමිකව ඉහළ යමින් පවතින COVID-19 මරණ හේතුවෙන් මෙය අවධානයට ලක් වී තිබෙනවා. ධනාත්මක රෝගීන් සංඛ්‍යාව මධ්‍යස්ථ මට්ටමක පවතින නමුත් ආසාදිතයින් අඩුවීමක් දැකගත නොහැකිවීම ගැන බලධාරීන් දැඩි කණස්සල්ල පළකර තිබෙනවා.
ප්‍රධාන වසංගත රෝග විශේෂඥ වෛද්‍ය වෛද්‍ය සමිත ගිනිගේ පැවසුවේ කොවිඩ් එන්නත ලබා ගැනීමට ඇති අකමැත්ත බහුල වශයෙන් වසය අවුරුදු 60 ට වැඩි පුද්ගලයින් තුළ දැකිය හැකි බවයි.
‘‘කොවිඩ් එන්නතෙහි ප්‍රධාන පරමාර්ථය වන්නේ මරණ සංඛ්‍යාව අඩු කිරීම සහ සම්ප්‍රේෂණය වීම පාලනය කිරීමයි. කෙසේ වෙතත්, සමහර ජ්‍යෙෂ්ඨ පුරවැසියන් එන්නත ලබා ගැනීම නොසලකා හැර ඇති බව අපි දැක තිබෙනවා‘‘
වසංගතය පැතිරීමෙන් පසු මේ දක්වා සිදු වූ මරණ සංඛ්‍යාව (4,175) සැලකිල්ලට ගත් විට ඉන් 77% ක් වයස අවුරුදු 60 ට වැඩි පුද්ගලයින් බවයි වෛද්‍ය ගිනිගේ පෙන්වා දුන්නේ.
‘‘මෙය බරපතළ තත්ත්වයක්. වයස අවුරුදු 60 ට වැඩි පුද්ගලයින්, කිසිදු සැකයකින් තොරව එන්නත ලබා ගන්නා ලෙස‘‘ සමිත ගිනිගේ මහතා වැඩිහිටි ජනතාවගෙන් ඉල්ලා සිටිනවා.
ඊට අමතරව, දැනටමත් එන්නත් ලබාගෙන ඇති පුද්ගලයින්ට සෞඛ්‍ය පුරුදු වලට අනුකූලව කටයුතු කරන ලෙස ඔහු ඉල්ලා සිටියා.
‘‘ඔබ නිසි සෞඛ්‍ය මාර්ගෝපදේශ අනුගමනය නොකළහොත් එන්නත මගින් අපේක්ෂිත ආරක්ෂාව ලැබෙන්නේ නැහැ‘‘
ඉලක්කගත ජනගහනයෙන් 68.4% කට අවම වශයෙන් එක් මාත්‍රාවක් හෝ ලැබී ඇති අතර එම මාත්‍රාවන් දෙකෙන්ම 16.1% ක් ලබා දී ඇති බව ඔහු පැවසුවා.
මේ අතර, වෛද්‍ය ගිනිගේ මහතා පැවසුවේ “අපි කැමති වුවත් නැතත්, අපට තවත් අවුරුදු දෙකක් හෝ තුනක් COVID සමඟ ජීවත් වීමට සිදුවනු ඇති බවයි.
