Image

පළිබෝධනාශක රෙජිස්ට්‍රාර් ඉවත් කිරීමට විරෝධය

පළිබෝධනාශක රෙජිස්ට්‍රාර් ඉවත් කිරීමට විරෝධය
පළිබෝධනාශක රෙජිස්ට්‍රාර්වරයා ධුරයෙන් ඉවත් කිරීමට ගත් තීරණයට ශ්‍රී ලංකා කෘෂිකර්ම සේවයේ කෘෂිකර්ම උපාධිධාරීන්ගේ සංගමය විරෝධය පළ කර තිබේ..
 
තම අනුදැනුමකින් තොරව ගැසට් පත්‍රයක් නිකුත් කිරීම සම්බන්ධයෙන් පළිබෝධනාශක රෙජිස්ට්‍රාර්වරයා ධුරයෙන් ඉවත් කිරීමට කෘෂිකර්ම අමාත්‍යවරයා විසින් කටයුතු කරන ලදී.
 
2014 වසරේ දෙසැම්බර් මස 22 වන දින නිකුත් කළ ගැසට් නිවේදනයක් මගින් එවක පළිබෝධනාශක රෙජිස්ට්‍රාර්වරයා ග්ලයිෆොසේට්, ප්‍රොපනිල්, කාබරිල්, ක්ලෝෆයිරිපොස්, කාබොෆියුරාන් නමැති පලිබෝධනාශක වර්ග 5 දිස්ත්‍රික්ක කිහිපයක භාවිතය හා අලෙවිය තහනම් කළ අතර වත්මන් පළිබෝධනාශක රෙජිස්ට්‍රාර් ආචාර්ය ජේ.ඒ.සුමිත් මහතා එය අවලංගු කරමින් නව ගැසට් පත්‍රයක් නිකුත් කර තිබුණි.
 
ඔහුව ධුරයෙන් ඉවත් කිරීමට කෘෂිකර්ම අමාත්‍යවරයා පියවර ගත්තේ ඊට එරෙහිවය.
 
කෙසේවෙතත් මේ සම්බන්ධයෙන් නිවේදනයක් නිකුත් කළ ශ්‍රී ලංකා කෘෂිකර්ම සේවයේ කෘෂිකර්ම උපාධිධාරීන්ගේ සංගමය පවසන්නේ අදාල ගැසට් නිවේදනයෙන් එකී පළිබෝධනාශක ආනයනයට ඉඩක් නොලැබෙන බැවින් පළිබෝධනාශක රෙජිස්ට්‍රාර්වරයා ධුරයෙන් ඉවත් කිරීම සාධාරණ නොවන බවයි.
 
එබැවින් එම තීරණය නිවැරදි කරන මෙන් ජනාධිපතිවරයාගෙන් ඔවුන් ඉල්ලීමක් කර තිබේ.
 
මේ අතර අද දිනයේදී රසායනික පොහොර හා පළිබෝධ නාශක ගෙන්වීම සඳහා පුද්ගලික අංශයට අවසර ලබාදුන් බව කෘෂිකර්ම අමාත්‍ය මහින්දානන්ද අලුත්ගමගේ මහතා පවසා ඇත.
 

ශ්‍රම බලකායේ විද්‍යුත් මෙවලම

Image