නාවලපිටිය රඹුක්පිටිය මධ්ය මහා විද්යාලයේ සිසුන් පිරිසක් දිවා ආහාර ඔතාගෙන ආ පොලිතින් කොළ බෑග්වල තිබෙනු දැක විදුහල්පතිවරයා සිසුන්ට ඒවා කැවූ බවට වාර්තාවක් ලංකාදීප පුවත්පතේ දක්නට ලැබිණි. මෙම වාර්තා කෙතරම් දුරට සත්ය ද යන්න නොදන්නා මුත්, ලංකාවේ විදුහල්පතිවරුන් නමැති වෘත්තිකයන් පිරිස කම් වහා මනෝ සමාජ සහාය හෝ මානසික ප්රතිකාර ලබා දිය යුතු මට්ටමක සිටින බව නම් ඇත්තකි.
විදුහල්පතිවරුන් සිතන්නේ පාසල යනු ප්රභාකරන්ගේ වන්නි රාජ්යය වැනි මුදා නොගත් කලාපයක් කියාය. එබැවින් ඔවුන් තමන්ගේ එක එක මති මතාන්තර අනුව පාසල් සංවර්ධනය, විනය හැදීම වැනි විකාර කරති.
ලංකවේ පාසල්වලින් සිසුන්ට හරියට වැසිකිළි යාම, විනීතව ආහාර ගැනීම වැනි වැනි දේ පුරුදු පුහුණු කරන්නේ නැත. කම්කරුවන් ලෙස පත්වීම් ලබාගත් දේශපාලන බත්බැලයන්ගෙන් වැඩ කරවා ගැනීමේ සිට බොහෝ දේවලට අසමත් විදුහල්පතිවරුන් තමන් මාර වැඩකාරයන් බව ආදි සිසුන්, මව්පියන්, දේශපාලකයන්, නිලධාරීන් ආදීන්ට ප්රදර්ශනය කිරීම සඳහා අධ්යාපනය හෝ විධිමත් පරිපාලනය නොවන එක එක විකාර රාශියක් පාසල්වල කරති.
ඒවා මෙසේය:
- අනවසර හා අවිධිමත් ඉදිකිරීම් (මෙවැනි ඉදිකිරීම් සෑම පාසලකම තිබේ. එකක් කඩා වැටී ගිය සතියේ වැල්ලම්පිටියේ පාසලක සිසුවියක මිය ගියාය. විදුහල්පතිවරයාගේ ඇහැකට තුවාල වන සේ කවුරුන් හෝ පහර දී තිබිණි.)
- ළමයින්ට තඩි බෑම (මෙසේ කරන්නේ විනය හදන්නටය කියාය. එහෙත්, ඒ පසුබිමේ ඇත්තේ විදුහල්පතිවරුන්ගේ විෂාධ මානසිකත්වයකි)
- සම්මාදම් කිරීම (අවශ්ය ප්රතිපාදන අධ්යාපන දෙපාර්තමේන්තුවෙන් ලබාගන්නවා වෙනුවට එක එක මරාල පටලවාගෙන මව්පියන්ගෙන් සල්ලි සම්මාදම් කරති. ඇතැම් අය වංචා ද කරති).
- පාසල ජනප්රිය කිරීම සඳහා අනෙක් පාසල් අභිභවා යන අන්දමින් කටයුතු කිරීමට උත්සාහ කිරීම (මෙවැනි ක්රියා නිසා ඇතැම් විට කුඩා පාසල්වලට සිසුන් නොමැතිව වසා දැමීමට සිදුවන අතර, ඊනියා ජනප්රිය පාසල්වල තදබදය වැඩි වේ.)
- රජයේ අධ්යාපන ප්රතිපත්තිවලට එරෙහිව අධ්යාපනය හෝ රාජ්ය ප්රතිපත්ති පිළිබඳ හරිහමන් අවබෝධයක් නොමැති මව්පියන්, ආදි සිසුන් ආදිය නොමග යවා කඩාකප්පල්කාරී ක්රියාවලට පෙළඹවීම
- මව්පියන්ට අනවශ්ය අන්දමින් කරදර කිරීම (මෙසේ කරනුයේ විවිධ කාලකන්නි රැස්වීම්, ඒවායේ තමන්ගේ මනෝභාවය අනුව හයර් කළ පුද්ගලයන්ගේ දේශන, ආගමික අභිචාර ආදිය සඳහා සතියේ වැඩ කරන දිනවල උදේ කාලයේ මව්පියන් ගෙන්වා ගැනීමෙනි. මෙමගින් මව්පියන්ගේ ජීවනෝපායන්ට බාධා සිදුවන අතර ආර්ථිකයට ද හානි සිදු වේ)
ලංකාවේ අධ්යාපනය ගොඩගැනීමට නම්, විදුහල්පති සේවය ගැන වහා අවධානය යොමු කළ යුතුව තිබේ. පාසල් විදුහල්පතිවරුන්ගේ මුදා නොගත් කලාප තත්වයෙන් මුදාගෙන රාජ්ය පාලනයට යටත් කළ යුතුය.
(ඡායාරූපයේ සිටින්නේ අනාරක්ෂිත ඉදිකිරීමක් කඩාවැටීමෙන් සිසුවියක මිය ගිය වැල්ලම්පිටිය වේරගොඩ පාසලේ විදුහල්පතිවරයාය. ඔහුට මේ අන්දමින් ඇසකට හානි වන සේ පහරදීම සිදු නොවිය යුතු දෙයකි. සමස්ත විදුහල්පති දේවයේම හා අධ්යාපන පද්ධතියේ වරදක් එක් විදුහල්පතිවරයකුගෙන් නිවැරදි කළ නොහැකිය.)
| අජිත් පැරකුම් ජයසිංහ
ශ්රම බලකායේ විද්යුත් මෙවලම
