රෙදි පිළි සහ ඇඟලුම් කර්මාන්තය යනු ලොව පුරා සංවර්ධනය වෙමින් පවතින රටවල කම්කරුවන්ට විශාල වශයෙන් රැකියා අවස්ථා ලබා දෙන සහ එකී රටවලට විදේශ විනිමය විශාල වශයෙන්ම උපයා දෙන රැකියා ක්ෂේත්‍රයකි.
එනමුදු මෑතකදී කරන ලද සමීක්ෂණයනට අනුව, හෙළි වී ඇත්තේ එකකට එකක් යාව ඇති මෙම ක්ෂේත්‍ර දෙකෙහිම රැකියා කරන ලද කම්කරුවන් බරපතල වෘත්තීය රෝග අවදානමකට ලක් විය හැකි බවයි.
එලෙසින්ම 2022 සිදුකරන ලද සමීක්ෂණයට අනුව, ඇඟලුම් ක්ෂේත්‍රයෙහි නියැලෙන කම්කරුවන් කපු දූවිලි වලට නිරාවරණය වීම නිසා ඔවුන් විවිධ ශ්වසන සහ පෙනහළු රෝග වලට ගොදුරු වීමේ අවදානමක් ඇති බව පෙන්වා දෙයි. මෙකී කපු සහ ලිනන් රෙදි අංශු කම්කරුවන් විසින් නිරතුරුවම ආශ්වාස කිරීම හේතුකොට ගෙන ඇදුම, හුස්ම හිරවීම, කැස්ස සහ පපුවේ තද ගතිය ඇතුළු හුස්ම ගැනීමේ ගැටළු ඇති කරයි.
තවද එකී සමීක්ෂණ වාර්තාවන් පෙන්වා දෙන්නේ මෙම සේවකයන් අතර සමේ ආබාධ වර්ධනය වීම සඳහා පහත් දැක්වෙන කරුණු ඉවහල් වී ඇති බවයි. රෙදි සායම් විශේෂයෙන් විසුරුවා හරින ලද නිල් 124, විසුරුවා හරින ලද නිල් 10 සහ කහ ෆෝමල්ඩිහයිඩ් දුම්මල, රබර් අසාත්මිකතා සහ රෙදිපිළි නිම කරන කම්කරුවන් පහසුවෙන්ම අසාත්මිකතාවලට හේතු වන රසායනික ද්‍රව්‍ය වලට නිරාවරණය වීමේ අවස්ථාවෙහි වැඩි බවයි එයට අමතරව සමහර රෙදිපිළි කම්හල්වල පුද්ගලික ආරක්ෂකයන් උපකරණ වල අවිධිමත් භාවිතය සහ දුර්වල නියාමනය මෙකී තත්ත්වයනට සෘජු ලෙස දායක වන බවයි.
මිනිස් ශරීරයේ ප්‍රතිශක්තිකරණ පද්ධතියේ වැදගත් අංගයක් වන අතර අසාත්මිකතා සහ ආසාදන ඇති කළ හැකි විවිධ ද්‍රව්‍ය සඳහා ස්වාභාවික බාධකයක් ලෙස ක්‍රියා කිරීමට හැකියාව ඇති නමුදු දිගටම මෙවැනි අසාත්මිකතා හෝ තුවාල ඇති විම මගින් මෙම බාධකය අවදානමකට ලක් වූ විට රෝගය සුව නොවන තත්ත්වයකට හෝ දීර්ඝ කාලීනව ප්‍රතිකාර කළ යුතු තත්ත්වයකට පත්වන බවද මෙකී සමීක්ෂණ මගින් පෙන්වා දෙයි.
ඉදිරියේ විශාල ව්‍යසනයකට හේතුවිය හැකි මෙම තත්ත්වය මගහැරලීම සඳහා මෙම වාර්තාව පහත නිර්දේශ ඉදිරිපත් කරයි.
■ සේවා ස්ථානයේ පුද්ගලික ආරක්ෂක උපකරණ සහ ස්ථාන සේදීමේ පහසුකම් සැපයීම.
■ අත්වැසුම් /මුව වැසුම් සහ අනෙකුත් ආරක්ෂක උපකරණ භාවිතය සහ භාවිතා කරනු ලබන රසායනික ද්‍රව්‍ය සහ ඩයි වර්ගවල ස්වභාවය. සමේ රෝග ලක්ෂණ සහ රෝග ලක්ෂණ පිළිබඳ දැනුම පිළිබඳ සේවකයනට ලබාදීම.
■ රෙදිපිළි නිෂ්පාදන සැකසීමේදී විවිධ හා අඩු විෂ සහිත ද්‍රව්‍ය, වඩා ස්ථායී ඩයි වර්ග සහ අඩු ෆෝමල්ඩිහයිඩ් භාවිතය.
■ ආරක්ෂක ක්‍රියා පටිපාටි ක්‍රියාත්මක කිරීමට සහ ඒවාට අනුකූල වීමට කළමනාකරුවන් සිට පහතම සේවකයන් දක්වා බල කිරීම.
■ විෂ දුම්, කපු දූවිලි කර්මාන්ත ශාලාවලින් ක්‍රමානුකූලව බැහැර කරවමින් සහ අසාත්මිකතාවන්ට නිරාවරණය වීම අවම කිරීම සඳහා ක්‍රමවේදයන් සකස් කිරීම.
මෙම ක්‍රමවේදයන් ක්‍රියාත්මක කිරීම මගින් ඉහත සඳහන් කරන ලද වෘත්තීය රෝග වැළඳීම පහසුවෙන් අවම කර හැකි බව මෙම සමීක්ෂණයෙන් තහවුරු වෙයි.
(රතු විත්ති)
