නිදහස් මාධ්ය ව්යාපාරය විසින් ‘ශ්රී ලංකා වරලත් මාධ්ය වෘත්තිකයන්ගේ ආයතනය’ පනත් කෙටුම්පත පිළිබඳ ශ්රේෂ්ඨාධිකරණට ඉදිරිපත් කළ පෙත්සමේ තීරණය
ආණ්ඩුක්රම ව්යවස්ථාවේ 121(1) ව්යවස්ථාව ප්රකාරව, ශ්රේෂ්ඨාධිකරණය හමුවේ අභියෝගයට ලක් කරන ලද “ශ්රී ලංකා වරලත් මාධ්ය වෘත්තිකයන්ගේ ආයතනය” නමැති පනත් කෙටුම්පත පිළිබඳ ශ්රේෂ්ඨාධිකරණයේ තීරණය තමා වෙත ලැබී ඇති බව කථානායක වෛද්ය ජගත් වික්රමරත්න මහතා (08) දින පාර්ලිමේන්තුවට නිවේදනය කළේය. එම නිවේදනය පහත පරිදි වේ.
පනත් කෙටුම්පතේ 3(එ) වගන්තිය අපැහැදිලි වන අතර, එබැවින් ආණ්ඩුක්රම ව්යවස්ථාවේ 12(1) සහ 14(1)(උ) ව්යවස්ථාවන්ට අනනුකූල වන බව ද, එය සම්මත කළ හැක්කේ ආණ්ඩුක්රම ව්යවස්ථාවේ 84(2) ව්යවස්ථාව යටතේ අවශ්ය වන විශේෂ බහුතර ඡන්දයෙන් පමණක් බව හා එම වගන්තිය ඉවත් කරනු ලැබුවහොත් එම අනනුකූලතාවය තවදුරටත් නොපවතින බව ද;
- පනත් කෙටුම්පතේ 4(ච) වගන්තිය ආණ්ඩුක්රම ව්යවස්ථාවේ 12(1) සහ 14(1)(උ) ව්යවස්ථාවන්ට අනනුකූල වන බවත්, එය සම්මත කළ හැක්කේ ආණ්ඩුක්රම ව්යවස්ථාවේ 84(2) ව්යවස්ථාව යටතේ අවශ්ය වන විශේෂ බහුතර ඡන්දයෙන් පමණක් බව හා ශ්රේෂ්ඨාධිකරණය විසින් යෝජනා කර ඇති පරිදි එම වගන්තිය සංශෝධනය කරනු ලැබුවහොත් එම අනනුකූලතාවය තවදුරටත් නොපවතින බව ද;
- පනත් කෙටුම්පතේ 5(4)(ආ) වගන්තිය ආණ්ඩුක්රම ව්යවස්ථාවේ 12(1) ව්යවස්ථාවට අනනුකූල වන බව ද, එය සම්මත කළ හැක්කේ ආණ්ඩුක්රම ව්යවස්ථාවේ 84(2) ව්යවස්ථාව යටතේ අවශ්ය වන විශේෂ බහුතර ඡන්දයෙන් පමණක් බව හා ශ්රේෂ්ඨාධිකරණය විසින් යෝජනා කර ඇති පරිදි 5 වගන්තිය සංශෝධනය කරනු ලැබුවහොත් එම අනනුකූලතාවය තවදුරටත් නොපවතින බව ද,
- පනත් කෙටුම්පතේ ඉතිරි වගන්ති ආණ්ඩුක්රම ව්යවස්ථාවට අනනුකූල නොවන බව ද, ශ්රේෂ්ඨාධිකරණය විසින් තීරණය කර ඇත.
නිදහස් මාධ්ය ව්යාපාරය විසින් මෙම පනත අභියෝගයට ලක්කරමින් ශ්රේෂ්ඨාධීකරණයට මෙම පෙත්සම ඉදිරිපත් කර තිබුණි.
ශ්රම බලකායේ විද්යුත් මෙවලම
