එක්සත් අරාබි එමීර් රාජ්‍යය එරට රජයේ ආයතනවලින් 50%පමණ වසා දැමීමට තීරණය කර ඇති බව විදෙස් පුවත් සේවා වාර්තා කරයි.
එලෙස ආයතන වසා දැමීමට තීරණය කර ඇත්තේ එම ආයතන ඩිජිටල් වේදිකාවක් බවට පත්කිරිමේ අරමුණින් වන අතර ඒ සම්බන්ධයෙන් emirates උප ජනාධිපති අග්‍රාමාත්‍ය සහ ඩුබායි පාලක ෂෙයික් මොහොමඩ් බින් රෂීඩ් අල් මක්ටුම් පසුගියදා නිවේදනය කර ඇත.
"අපි වසර දෙකක් තුළ ජයේ සේවා මධ්‍යස්ථාන 50% ක් වසා දමා ඩිජිටල් වේදිකාවක් බවට පත් කරමින් අමාත්‍යාංශය ඒකාබද්ධ කිරීමට කටයුතු කරන අතර ඩිජිටල් වේදිකාව සාර්ථක කර ගැනීම සඳහා ඒ ක්ෂේත්‍රයන්හි අත්දැකීම් ඇති බුද්ධිමත් නිලධාරීන් සහ අමාත්‍යවරු පත් කිරීමට කටයුතු කරනවා" යනුවෙන් ඩුබායි පාලක ෂෙයික් මොහොමඩ් බින් රෂීඩ් අල් මක්ටුම් මහතා වැඩිදුරටත් ප්‍රකාශ කර තිබේ.
