අද (04) දිනයේදී ජනාධිපති ලේකම් කාර්යාලය ඉදිරිපිට සිදුකෙරුනු විරෝධතාවේ සිටි පුද්ගලයන් 42 දෙනෙකු අත්අඩංගුවට ගෙන තිබේ.
මේ අතර, කාන්තාවන් 16 දෙනෙකුද සිටින බව වාර්තා වේ.
අත්අඩංගුවට ගත් පිරිස සමග වාහන 10 ක් ද පොලිස් භාරයට ගෙන ඇත.
වැටුප් විෂමතාව ඇතුළු ගැටලුවලට විසඳුම් ලබාදෙන ලෙස ඉල්ලමින් ගුරු – විදුහල්පති වෘත්තීය සමිති කඩවත, පන්නිපිටිය, වැලිසර , මහනුවර සහ මොරටුව යන ප්‍රදේශවල සිට රථ පෙළපාළිවලින් කොළඹට පැමිණි අතර, පැයක් පමණ ජනාධිපති ලේකම් කාර්යාලය අසල විරෝධතාවක නිරත වූ අතර, හේ හේතුවෙන් ගාලු පාරේ දැඩි රථවාහන තදබදයක් ද ඇතිවිය.
(ශ්‍රී ලංකා මිරර්)
