රටේ සාමාන්ය ජනතාව විශාල වශයෙන් පීඩාවට පත් වන්නේ ජාවාරම්කාරයින් විසින් ආදායම් බදු වංචා කිරීමෙන් රුපියල් කෝටි සිය ගණනින් සිදුවන අතර, රජයට එළෙසින් අහිමිවන දේශීය ආදායම් පියවා ගැනීමට කිසිදු ආණ්ඩුවක් කිසිදු වැදගත් හා සාර්ථක පියවරක් නොගන්නා හෙයින් ඒවා ගෙවීමට සිදුව ඇත්තේ සාමණ්ය ජනතාවට බවත් නිදහස් වෙළඳ කලාප සහ පොදු සේවා සේවක සංගමය විසින් පාර්ලිමේන්තු මන්ත්රීවරුන් වෙත ලිපියක් යවමින් ඉල්ලා ඇත්තේ බදු නොගෙවන ජාවාරම්කාරයින්ගේ තොරතුරු හා වහා හෙළිකරන ලෙසයි.
එම ලිපිය පහතින් දැක්වේ.
රුපියල් කෝටි සිය ගණනින් ආදායම් හා වැට් (VAT) බදු නොගෙවන ජාවාරම්කාරයින්ගේ තොරතුරු හා වහා ගත යුතු පියවර සම්බන්ධයෙනි.
මහනුවර දිස්ත්රික් පාර්ලිමේන්තු මන්ත්රී මහින්දානන්ද අලුත්ගමගේ විසින් මේ රටේ බදු වංචා කිරීම් පිළිබඳව වැදගත් තොරතුරු ප්රමාණයක් සමගින් මීට මාස එක හමාරකට පෙර ඉකුත් සැප්තැම්බර 20 වන දින පාර්ලිමේන්තුවේදී බරපතල හෙළිදරව්වක් කළේය. ආණ්ඩුව හා මුදල් අමාත්යාංශය ඒ බදු වංචා සම්බන්ධව කිසිදු ප්රසිද්ධ ප්රකාශයක් හෝ සවිස්තර වාර්තාවක් මෙතෙක් පාර්ලිමේන්තුවට ඉදිරිපත් නොකිරීම නිසා එම තොරතුරු සත්යය යැයි පිළිගැනීමට අපට සිදු වන්නේය. අප අද මුහුණ දෙන ආර්ථික බිඳ වැටීමට මේ දූෂිත ජාවාරම්කාරයින් වගකීමට බැඳ තබන්නට ඒ අනුව ආණ්ඩුව පියවර ගත යුතුව ඇත.
එදින පාර්ලිමේන්තුවට ඉදිරිපත් කළ තොරතුරු අනුව,
- ආදායම් බදු ලිපිගොනු ඇති ව්යාපාරික සමාගම් 100,005 කින් බදු ගෙවා ඇත්තේ සමාගම් 25,692 ක් පමණි. ඒ අනුව සමාගම් 74,313 ක් බදු ගෙවා නැත.
- VAT බදු වෙනුවෙන් ලියාපදිංචි ව්යාපාර 60,721 ක් ඇති අතර ඔවුන් පාරිභෝගිකයින්ගෙන් අය කරගනු ලැබූ ඪ්ඔ බදු පසුගිය සැප්තැම්බර් වන විට ආණ්ඩුවට භාරදී ඇත්තේ ව්යාපාර 185 ක් පමණි. ඉන් කියවෙන්නේ, ඉතිරි ව්යාපාර 60,536 විසින් පාරිභෝගිකයින්ගෙන් අය කරගනු ලැබූ ඪ්ඔ බදු ඔවුන් සන්තක කරගෙන ඇත යන්නයි.
- ඉහළ පෙළේ නිමි ඇඳුම් ජාලයක් හිමි ව්යාපාරිකයෙකු සහ එවැනිම ඉහළ පෙළේ සුප(ර්) මාකට් ජාලයක් ආදායම් බදු කිසිවක් ගෙවා නැත.
- පාර්ලිමේන්තු මන්ත්රීවරුන්ගෙන් 75 දෙනෙකු ආදායම් බදු ගෙවන්නේ නැත.
අලුත්ගමගේ මන්ත්රීවරයා එකී හෙළිදරුව්වෙන් කුමක් බලාපොරොත්තු වූවත් සියයට 83 ක් වක්ර බදු අය කෙරෙන මේ රටේ සාමාන්ය ජනතාව විශාල වශයෙන් පීඩාවට පත් වන්නේ රුපියල් කෝටි සිය ගණනින් සිදුවන මෙවැනි බදු වංචා හේතුවෙනි. රජයට එළෙසින් අහිමිවන දේශීය ආදායම් පියවා ගැනීමට කිසිදු ආණ්ඩුවක් කිසිදු වැදගත් හා සාර්ථක පියවරක් නොගන්නා හෙයින් ජාවාරම්කාරයින් විසින් ආදායම් වංචා කිරීමේ පාඩුවට මුහුණ දිය යුත්තේ ජනතාවය. ඊට පිළියම් වශයෙන් ජාවාරම්කරුවන්ගෙන් දඩ මුදල් සමග හිඟ බදු අයකර ගැනීම වෙනුවට ආණ්ඩු විසින් වක්ර බදු අය කිරීමෙන් දඩුවම් කරන්නේ නැවතත් සාමාන්ය ජනතාවටම ය.
මෙම හෙළිදරව්වෙන් පසු ගෙවුනු මාසයකුත් දෙසතියකට වැඩි කාලයේ පාර්ලිමේන්තුවේ නියෝජනය වන දේශපාලන පක්ෂ කිසිවක් ප්රසිද්ධියේ තබා පාර්ලිමේන්තුවේ හෝ ඒ බදු වංචා ගැන කතා කළ බවක් අපි නොදනිමු. කිසිදු මන්ත්රීවරයෙකුද ඒ ගැන කතා කළ බවක් අසන්නට නැත. අප විශ්වාස කරන අයුරු මේ කාරණාව සම්බන්ධයෙන් විශේෂයෙන් විපක්ෂයෙහි ඉන්නා දේශපාලන පක්ෂ වහා එක් දිනක හෝ පාර්ලිමේන්තු විවාදයක් ඉල්ලා සිටිය යුතුව තිබිණ.
එවැනි කිසිවක් මෙතෙක් පාර්ලිමේන්තුවේ සිදු නොවුනු හෙයින්, මේ රටට විදේශ විනිමය උපයන අපනයන නිෂ්පාදන ක්ෂේත්රයෙහි ලක්ෂ පහකට වැඩි සේවක සේවිකාවන්ගේ සහ අනෙකුත් ක්ෂේත්රවල සේවක සේවිකාවන්ගේ අයිතීන් හා ගැටළු වෙනුවෙන් පෙනී සිටින වෘත්තීය සමිතියක් වශයෙන් හා ජාතික කම්කරු උපදේශක සභාවේ සාමාජික වෘත්තීය සමිතියක්ද වශයෙන් 2022 නොවැම්බර් මස 06 වන ඉරිදා දින රැස්වූ අප සංගමයේ මහ මණ්ඩලය විසින් ගත් තීන්දුව මත අප ඔබගෙන් ඉල්ලා සිටින්නේ,
- ඉදිරි අයවැයට පෙර ඉහතින් සඳහන් බදු වංචා වලට අදාල ව්යාපාරිකයින්ගේ නම් සමග සවිස්තරාත්මක වාර්තාවක් පාර්ලිමේන්තුවට ඉදිරිපත් කරන මෙන් මුදල් ඇමතිවරයාගෙන් වහා ඉල්ලා සිටින්නට කටයුතු කරන ලෙසත්
- එම තොරතුරු ප්රකාශයට පත්කර ඒ සම්බන්ධ ජාතික කම්කරු උපදේශක සභාවෙහි අවසන් තීන්දුවක් ගන්නා තෙක් රුපියල් ලක්ෂයක් හෝ ඊට වැඩි මාසික පෞද්ගලික ආදායම් සඳහා පනවා ඇති ආදායම් බද්ද වහා අත්හිටුවන්නටත්
- අත්යාවශ්ය පාරිභෝගික භාණ්ඩ සඳහා පනවා ඇති ඪ්ඔ බද්ද සම්පූර්ණයෙන් ඉවත් කරන්නට සහ ඉකුත් ඔක්තෝම්බර් 01 වන දින සිට ක්රියාත්මක කෙරෙන සියයට 2.5 ක සමාජ සංරක්ෂණ දායකත්ව බද්ද වහා අත්හිටුවන්නටත්
පාර්ලිමේන්තුවේ යෝජනා සම්මත කිරීමට නොපමාව පියවර ගන්නා මෙන් ය.
ඒ වෙනුවෙන් ඔබේ විශේෂ අවධානය සමග මැදිහත්වීමක් වහා සිදුවෙතැයි අපි විශ්වාස කරමු.
මේ පිළිබඳව ඔබ ගන්නා පියවර සම්බන්ධයෙන් අප සංගමය දැනුවත් කරන මෙන් ද ගෞරවයෙන් ඉල්ලා සිටිමු. තවද, මෙම ලිපිය ඔබ වෙත ලැබුණු බව තහවුරු කරන්නේ නම් අගය කර සළකන්නෙමු.
සබැඳි පුවත්
- බදු පනතට අධිකරණ සංගම් දෙකකුත් සටන් බිමට
- බදු විතරද? රජයේ බර එතකොට?
- “වහාම බදු පනත නිවැරිදි කිරීමට දායක වන්න“ - වෛද්ය සංගමය සියලු මන්ත්රීවරුන්ට ලියයි
- නව දේශීය ආදායම් සංශෝධන පනතට එරෙහිව ශ්රේෂ්ඨාධිකරණයට පෙත්සමක්
- දේශීය ආදායම් සංශෝධන පනත් කෙටුම්පතට කුමක්වෙයිද ?
- යෝජිත බදු ප්රතිපත්තියට වෛද්ය සංගමයෙන් රතු එළියක්
- නව අදායම් බද්ද ජනතාවට දරා ගත හැකිද?
- බදු ගෙවන්න නම් අනවශ්ය වියදම් කපා හරින්න
- බදු අය කළ යුත්තේ අවශ්යම වියදම් වෙනුවෙන් පමණයි - ඒ විස්තර දැන ගැනීමට ජනතාවට අයිතියක් ඇත
- නව ආදායම් බදු පනත ගැසට් කෙරේ
ශ්රම බලකායේ විද්යුත් මෙවලම
