ශ්‍රී ලංකා රජය හා ඊශ්‍රායල් රජය අතර ඇතිකරගත් ගිවිසුමට අනුව නිවාස පාදක සාත්තුසේවා රැකියා සදහා පිටත්වන ප්‍රථම කණ්ඩායමට ගුවන්ටිකට්පත් හා ලියකියවිලි ප්‍රදානය කෙරේ. ශ්‍රී ලංකා විදේශ සේවා නියුක්ති කාර්යංශයේ සභාපති මේජර් ජනරාල් මහින්ද හතුරුසිංහ මහතාගේ ප්‍රධානත්වයෙන් මෙම ලියකියවිලි ප්‍රදානය කිරීම 2022.04.27 සිදුකෙරිණි.
ඊශ්‍රායල් රජයේ නිවාස පාදක සාත්තු සේවා රැකියා සදහා පස් දෙනෙකු ප්‍රථම කණ්ඩායම සදහා තෝරාගෙන ඇති අතර, ඔවුන් ඊයේ සවස ඊශ්‍රායලය බලා පිටත්වීමට නියමිතව තිබුණි.
ශ්‍රී ලංකා විදේශ සේවා නියුක්ති කාර්යංශයේ අන්තර්ජාල වෙබ් අඩවියේ (www.slbfe.lk) පළ කෙරෙන දැන්වීමට අනුව මාර්ගගත ක්‍රමය යටතේ අයදුම්කිරීමෙන් අනතුරුව ලොතරැයි ක්‍රමය අනුව තෝරාගැනීම ඊශ්‍රායල් රජයේ ජනගහන හා සංක්රමණික අධිකාරිය (PIBA) මගින් සිදුකරන අතර, මෙලෙස තෝරාගත් අයදුම්කරුවන් සඳහා සම්මුඛ පරීක්ෂණ ඊශ්‍රායල් රජයේ ජනගහන හා සංක්රමණික අධිකාරිය විසින් නම්කරන ලද ආයතනයක් මගින් සිදුකරයි. අයදුම්කරුවන්ගේ හැකියාව, කුසලතා මත පමණක් මෙම රැකියා සදහා සම්මුඛ පරීක්ෂණවලින් තෝරාගනු ලබයි.
- අනගි වැටුපකට ඊශ්‍රායලයේ රැකියාවකට යන්න ඔබ කැමතිද?මෙන්න අවස්ථාව
- ඊශ්‍රායලයේ රැකියාවක් අපේක්ෂාවෙන් සිටිනවා නම් මෙන්න අවස්ථාව
- ඔබ ඊශ්‍රායලයේ රැකියා අපේක්ෂාවෙන් පසුවෙන අයෙක් නම් මේ තොරතුරු ඔබටයි!
- කොරියාව, ජපානය හා ඊශ්‍රායලයේ රැකියා අපේක්ෂකයින් මේ ගැන සැලකිලිමත් වෙන්න
ඊශ්‍රායල් ෂෙකෙල් 5300 ක් හෙවත් ලංකා මුදලින් රුපියල් ලක්ෂ 5 කට වැඩි වැටුපක් සාත්තු සේවක රැකියා සදහා ලැබේ. පළමු ලියාපදිංචිය සදහා වසර 2ක කාලයකට රැකියා ගිවිසුම් ලැබෙන අතර, සේවා යෝජකයාගේ කැමැත්ත මත එය දීර්ඝ කිරීමේ හැකියාව ලැබේ.
ශ්‍රී ලංකා රජය හා ඊශ්‍රායල් රජය අතර ඇතිකරගත් ගිවිසුමට අනුව නිවාස පාදක සාත්තුසේවා රැකියා සදහා කටයුතු කරනු ලබන්නේ ශ්‍රී ලංකා විදේශ සේවා නියුක්ති කාර්යංශය පමණක් බැවින් මෙම රැකියා ලබාගැනිමට කිසිදු පාර්ශවයකට මුදල් නොගෙවන ලෙස කාර්යාංශය රැකියා අපේක්ෂකයන්ගෙන් ඉල්ලා සිටි.
