COVID වසංගතය නැවත ව්‍යාප්තවීම හා අදාලව පෞද්ගලික අංශයේ සේවකයින්ට දෙසැම්බර් මස දක්වා සහන සැළසීම සම්බන්ධව 2020 ඔක්තෝම්බර් මස 27 වන දින ජන මාධ්‍යය ඔස්සේ විකාශනය වු සම කැබිනට් ප‍්‍රකාශක අමාත්‍ය උදය ගම්මන්පිල විසින් උක්ත කරුණට අදාලව කරන ලද ප‍්‍රකාශය හා සම්බන්ධව කම්කරු අමාත්‍ය නිමල් සිරිපාල ද සිල්වා මහතා වෙත ලිපියක් යොමුකරමින් වෘත්තීය සමිති කිහිපයක නියෝජිතයින් පිරිසක් ඉල්ලා සිටින්නේ එය කැබිනට් වාර්තාව පදනම් කරගත් තින්දුවක්ද නැතහොත් කම්කරු අමාත්‍යවරයා ලෙස සකස් කළ වාර්තාව පදනම් කරගත් තින්දුවක්ද යන්න දන්වා සිටින ලෙසය.

ගෙවුණු දින 7ක කාලය තුළ පමණක් ලොව පුරා නව කොවිඩ් ආසාදිතයන් මිලියන 3කට ආසන්න සංඛ්‍යාවක් වාර්තා වී ඇති බව ලෝක සෞඛ්‍ය සංවිධානය පවසයි.

වසංගතයට පිළියම් යෙදීම හමුදා ප්‍රධානියා යටතට පවරා තිබීම නිසා සෞඛ්‍ය කාර්ය මණ්ඩල නිරෝධායනය සම්බන්ධයෙන් ද යුද හමුදාවෙන් අනුමැතිය ලබා ගන්නට සිදුවී තිබේ.

පසුගිය කාලය පුරා සෞඛ්‍ය අමාතයංශය විසින් රසායනාගාර සේවාවන් සොයා බැලීම සඳහා පත්කර තිබෙන වැඩබලන සෞඛ්‍ය අධ්‍යාක්ෂවරයා වෙනුවට සාමුහිකව කටයුතු කළහැකි අවශ්‍යතා හා ගැටළු හඳුනාගෙන රසායනාගාර සේවාව පවත්වාගෙන යා හැකි සහකාර සෞඛ්‍ය අධ්‍යක්ෂකවරයකු පත්කරන ලෙසත්, මෙතෙක් ඇතිවී ඇති කරුණු ගනනාවක් යොමුකරමින් සෞඛ්‍ය වෘත්තීයවේදීන්ගේ විද්වත් පර්ෂදය විසින් ජනාධිපතිවරයා වෙත ලිපියක් යොමුකරමින් ඉල්ලා සිටි.

අද මධ්‍යම රාත්‍රියේ සිට බස්නාහිර පළාත පුරා ම නිරෝධායන ඇඳිරි නීතිය ප්‍රකාශයට පත් කර තිබේ. ඒ හේතුවෙන් බස්නාහිර පළාතේ ඇඳිරි නීති නැති ප්‍රදේශවල ජනයා පවා ආහාර, බෙහෙත් ආදිය එක්රැස් කිරීම සඳහා වෙළඳසැල් ඉදිරිපිට පොදිකනු දැකිය හැකි විය. එය කොරෝනා වයිරසයේ පැතිරීමට හිතකර තත්වයකි.

කොළඹ වරාය නැගෙනහිර පර්යන්තය විකිණීම යන බවට පසුගිය දිනවල වරාය අධිකාරියේ ඒකාබද්ධ වෘත්තිය සමිති විසින් සත්‍යග‍්‍රහය හා වර්ජන ක‍්‍රියාමාර්ගය ආදී ක්‍රියාමාර්ග පැවැත්විණි.

කොරෝනා වෛරස ව්‍යාප්තිය පාලනය කරනු පිණිස “නිවසේ සිට වැඩ කිරීමේ ක්‍රමය” යළි ක්‍රියාත්මක කරන්නැයි බස්නාහිර පළාතේ සහ සෙසු ප්‍රධාන නගරවල රාජ්‍ය ආයතනවලට නියම කෙරේ.

කටාර් රාජ්‍යයේ අදවනවිට විදේශික ගෘහ සේවිකාවන් 173,000කට අධික ප්‍රමාණයක් සේවය කරන අතර කොරෝනා වසංගතය හමුවේ ඔවුන් දැඩි අසරණභාවයකට මෙන්ම අසාධාරණව ශ්‍රම සූරාකෑමකට ලක්ව ඇති බවට සමීක්ෂණයකින් අනාවරණය වී තිබේ.

නව සෞඛ්‍ය සේවා අධ්‍යක්ෂ ජනරාල්වරයා ලෙස වෛද්‍ය අසේල ගුණවර්ධන මහතා අද දින (29) පෙරවරුවේ යෙදුන සුභ මොහොතින් සෞඛ්‍ය අමාත්‍යාංශයේ සෞඛ්‍ය සේවා අධ්‍යක්ෂ කාර්යාලයේ දී පැවැති චාම් උත්සවයකින් පසු සිය ධූරයේ රාජකාරි කටයුතු ආරම්භ කරන ලදි. සෞඛ්‍ය අමාත්‍ය පවිත්‍රා වන්නිආරච්චි මහත්මිය ද මෙම අවස්ථාවට එක්ව සිටියාය.

ගාල්ල කරාපිටිය ශික්ෂණ රෝහලේ වෛරස විද්‍යා ඒකකයේ කොවිඩ්-19 පී.සී.ආර් (PCR) පරීක්ෂණ ප්‍රතිපල ප්‍රමාදවීම හමුවේ කොවිඩ් වසංගත තත්ත්වයෙන් ජනතාවගේ ජීවිත ආරක්ෂා කිරීමට නම් පී. සී. ආර්. පරීක්ෂණ ප්‍රතිඵල කඩිනම්ව ලබා දීමට ආණ්ඩුව මැදිහත් විය යුතු අතර ඒ සදහා කල පරීක්ෂණාගාර සදහා අවශ්‍ය පහසුකම් කඩිනමින් සපයා එහි කාර්ය්‍ය මණ්ඩලය දිරිගැනවමින් කටයුතු කරන ලෙස ඉල්ලා සමස්ත ලංකා වෛද්‍ය නිළධාරීන්ගේ සංගමය, විසින් සෞඛ්‍ය අමාත්‍ය පවිත්‍රාදේවී වන්නිආරච්චි මහත්මියගෙන් ඉල්ලීමක් කර ඇත.

ශ්‍රී ලංකාවේ ඇඟලුම් කම්හලක් ආශ්‍රිතව කොවිඩ් ආසාදිතයන් විශාල සංඛ්‍යාවක් වාර්තා වීමත් සමග කබලෙන් ළිපට වැටුණු තත්ත්වයකට මුහුණදීමට සිදුවූ පාර්ශ්වයක් වන්නේ විදෙස්ගත ශ්‍රී ලාංකික ශ්‍රමිකයන්ය. කොවිඞ් 19 ගෝලීය වසංගතයේ පැතිර යාමත් සමග විදෙස්ගත ශ්‍රමිකයෝ ගැටලු රාශියකට මැදිව සිටියහ. නැවත මව් රටට ඒමේ බලාපොරොත්තු සහිතව ඉතා දුක්ඛිත තත්ත්වයකට පත්ව සිටින වැඩි පිරිසක් සිටින්නේ මැදපෙරදිග රටවලය. ඔවුන් නැවත මෙරටට රැගෙන ඒමේ කටයුතු වරින් වර පමා වෙමින් තිබී පසුගිය කාලයේ නැවතත් කණ්ඩායම් වශයෙන් රැගෙන ඒමේ කටයුතු ආරම්භ කර තිබුණි. එහෙත් මේ වන විට රට තුළින් හමුවන කොවිඩ් ආසාදිතයන්ගේ සංඛ්‍යාව ඉහළ යාම සමග විගමණික ශ්‍රමිකයන් ගෙන ඒම නැවතත් තාවකාලිකව නතර වූයේය.

කොවිඩ් පළමු රැල්ල අවසන් වූ මොහොතේ කොවිඩ් අහවර වූ බව හගවමින් කටයුතු කල නිළධාරීන් හේතුවෙන් PCR ධාරිතාව වැඩි කිරීමට තිබූ අවස්ථාවන් සියල්ල අහිමිවූ බවත්, තවදුරත් රටේ සියළුම රාසායනාගාර PCR පරීක්ෂණ සිදු කරන්නේ සාම්ප්‍රදායික ක්‍රමයකට බවත්, එක පරීක්ෂණයක ප්‍රතිඵල ලබා ගැනීමට පැය අටක් පමණ කාළයක් බලා සිටීමට තම වෘත්තිකයිට සිදු වී ඇති බවත්, සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා ප්‍රකාශ කරයි.