ජගත් කම්කරු සංවිධානයේ 104 වන මහ සමුළුව ජුනි මස 1 වන දින සිට 13 වන දින දක්වා ජිනීවා නුවරදී පැවැත්වේ.
All Stories
මෙම වර්ෂයේ ජුනි මස ස්විට්සර්ලන්තයේ ජිනීවා නුවර පැවැත්වෙන ජගත් කම්කරු සංවිධානයේ 104 වන මහා කම්කරු සම්මේලනය සඳහා සහභාගි වන සේවක නියොජීත පිරිස තේරීම රජයෙන් සිදු කොට ඇත. මෙම සමුළුව ජුනි 1 සිට 13 දක්වා පැවැත්වේ.
ශ්රී ලංකා දුත කණ්ඩායමේ ප්රධානියා එස්.බී. නාවින්න මහතා, කම්කරු අමාත්ය
ඊයේ (01) ඇරඹි ලෝක කම්කරු සමුළුවේ සභාපති ලෙස ලැට්වියා රාජ්යයේ සමාජ ශුභසාධන අම්මත්යංශයේ ලේඛම් ඊයෙවා ජවුන්සේමේ (Ieva Jaunseme) මහත්මිය සභාපති වරිය ලෙස තෝරා පත්කරගනු ලැබිය. ඇය හට ජ්යෙෂ්ඨ රාජ්ය නිලධාරියකු ලෙස සේවා නියුක්ති පාර්ශව කරුවන් හා කටයුතු කිරීමේ වසර 25 කට ආසන්න අත්දැකීම් ඇත.
මෙම වසරේ ජුනි මස පැවැත්වෙන ජගත් කම්කරු සංවිධානයේ (ILO) 104 වන සමුළුව සඳහා සහභාගිවීමට නියමිත යයි වැඩබිම වෙබ් අඩවියේ මිට ඉහත පලකල කණ්ඩායමේ අක්තපත්ර ජනපතිවරයාගේ නිල අනුමැතියෙන් රටේ වැඩකරන පන්තිය නියෝජනය කිරිම සඳහා නිකුත් කර ඇති අතර විසා ලබාගැනීමේ කටයුතු මේ දින වල ලහි ලහියේ සිදුවෙමින් පවතී.
කම්කරු අමාත්ය එස්.බී. නාවින්න මහතා ජිනීවා නුවර බලා පිටත්ව යාමට නියමිත බව කම්කරු සහ කම්කරු සබඳතා අමාත්යංශය පවසයි.
“ 50 for Freedom “ නිදහස සදහා රටවල් 50 ක් යන මැයෙන් සකසා තිබු ප්රචාරක පලකයක තම අත්සන යෙදීමට සියලුම ලෝක කම්කරු සමුළුවට සහභාගිවන ආරාධිතයන්ට, නිල නියෝජිතයන්ට , නිලධාරීන්ට හා අමුත්තන්ට ආරාධනා කෙරිණි. පසුගිය වසරේදී (2014) දී සම්මත කරගත් බලහත්කාර ශ්රමය (Forced Labour) තුරන් කිරීමේ ප්රෝටකොලය (Protocol) අවම වශයෙන් රටවල් 50 ක් විසින් වසර 2018 වන විට අපරානුමත (Ratify) කරවා ගැනීම මෙයින් බලාපොරොත්තු වේ. ILO හි විධායක අධ්යක්ෂ වරයා පවසන පරිදි ලොව පුරා මිලියන 21 ක කම්කරුවන් පිරිසක ගෙන් බලහත්කාරයෙන් ශ්රමය ලබා ගනී. ජුනි මස 12 වන දිනට යෙදෙන ලෝක ළමා ශ්රමයට එරෙහි සටනට මෙය පාදක කර ගැනීමට යයි. මෙහි පළමු අත්සන ජගත් කම්කරු සංවිධාන අධ්යක්ෂජනරාල් වරයා විසින් තබන ලදී. මෙම ප්රෝටකොලය වහල් ශ්රමයේ නුතන අවධිය තුරන් කිරීමට අපේක්ෂා කෙරේ.
ජගත් කම්කරු සංවිධානයේ මහ සමුළුවට සහභාගිවන ශ්රී ලංකාවේ වෘත්තීය සමිති නියෝජිතයින් කවුරුන්දැයි හෙළිදරව් කළ නොහැකි බව කම්කරු අමාත්යංශයේ ජ්යෙෂ්ඨ අතිරේක ලේකම් ආර්.පී.ඒ විමලවීර මහතා පවසයි.
104 වන ජගත් කම්කරු සමේලනය නොහොත් වැඩකරන ජනතාවගේ ලෝක පාර්ලිමේන්තුව යන විරුදාවලිය හිමි ලෝක සමුළුව ඊයේ (01) දිනයේදීස්විට්සර්ලන්තයේ ජිනීවා නුවරදී උත්සවශ්රීයෙන් ආරම්භ වින. මේ සඳහා රටවල් 185ක වෘත්තීය සමිති, සේවායෝජක හා රාජ්යයන්ගේ නිල නියෝජිතයින් සහභාගී වන අතර ඔවුනට සමුළුවේදී තීන්දු තීරණ ගැනීමේ නිත්යානුකුල අයිතියක් හිමිවේ. මෙම ත්රෛපාර්ශවය නියෝජනය කරමින් ශ්රී ලංකාවෙන්ද කණ්ඩායමක් සහභාගිවේ.
ජගත් කම්කරු සංවිධානයේ සාමාජිකත්වය පතා කුක් දිවයින (Cook Island) අයදුම්පතක් ඉදිරිපත් කර ඇති අතර. දැනට පැවැත්වෙන සමුලුවාරයේදී ඒ පිලිබඳ තීරණයක් ගනු ඇත. කුක් දිවයින දකුණු පැසිෆික් සාගරයේ දුපත් 15 කින් සමන්විත වර්ග කි. මී. 240 ක භුමි ප්රමාණයක් ඇති දුපත් සමුහයකි. එහි වැඩි වශයෙන් ජනයා සිටින්නේ ප්රධාන දුපත වූ Rarotonga ය. සම්පුර්ණ ජනගහනය 15,000 කි. “Maori” නමැති ආදිවාසී ගෝත්රිකයන් එහි වාසය කරයි.