ඊයේ (05) දින දිවා වරුවේදී 104 වන ජගත් කම්කරු සමුළුව ඇමතු ශ්‍රී ලංකාවේ කම්කරු අමාත්‍ය එස්.බි.නාවින්න මහතා පවසා සිටියේ ජගත් කම්කරු සංවිධානයේ සම්මුති ක්‍රියාත්මක කිරීම ගැන සතුටු විය හැකි තත්වයක් නොමැති බවයි.

ILO සමුළුවේ 5 වන දිනයේදී ප්‍රධානතම මාතෘකාවක් වුයේ සංක්‍රමනික ගැටලුවයි. එම රැස්වීමේ මුලසුන හෙබවූ ILO ප්‍රතිපත්ති පිලිබඳ නියෝජ්‍ය අධ්‍යක්ෂ වරිය වන සැන්ද්‍රා පොලාස්කි (Sandra Polaski) මැතිනිය ලෝක ප්‍රජාව සංක්‍රමනිකයන්ගේ බලාපොරොත්තු තහවුරු වන ලෙසට ක්‍රියා කල යුතු බවයි. තවද පසුගියදා Mediterran හා Andoman මුහුදු වලදී මුහුණ පෑ භයානක අනතුරු මින් පසුව සිදු නොවිය යුතු බවයි. ලොව කිසිම පිරිමියෙකු, ගැහැණියකු හෝ දරුවෙකු යුද්ධයකට, වධ හිංසා වලට, දිළිඳුකමට හා නොවැදගත් සේ සැලකීමට එරෙහිව තම ජීවිත පරදුවට තබා යහපත් පරිසරයන් සඳහා යාම බලහත්කාරයෙන් නොකළ යුතු බවයි.

ILO සමුළුව තුල ශ්‍රී ලංකා රජයේ චන්දබල හිමි නිල නියෝජිතයින් දෙදෙනා වෙනුවෙන් සමුළුව ඇමතීමේ අවස්තාව හිමි වූ කම්කරු අමාත්‍යංශයේ සහකාර ලේඛම් ආනන්ද විමලවීර මහතා පසුගිය 8 වනදා සිය කතාව ඉදිරිපත්කළේය.

ඊයේ (5) දින දිවා වරුවේදී ලෝක කම්කරු සමුළුවේදී සංක්‍රමණික සේවකයින් පිලිබඳ ඉහල පෙලේ අතුරු සාකච්චාවක් පැවැත්විණ. සමුළුවේ ඉතා කාර්යබහුල දිනයක් වූ ඊයේ දිවා වරුවේ පැවතී මෙම සාකච්චාව සඳහා තම දිවා භෝජනයත් කැප කරමින් විශාල පිරිසක් රැස්වීම් ශාලාවේ අතුරු සිදුරු නැතිව සහභාගී වී සිටී බව අප හා අදහස් දැක්වූ දැනට ජිනීවා නුවර සිටින ශ්‍රී ලංකාවේ නියෝජිත කණ්ඩායමේ සාමාජිකයකු පැවසිය.

ව්‍යවස්ථාපිත නෛතික ප්‍රතිපාදන හරහා පෞද්ගලික අංශය සඳහා සිදුකෙරෙන යම් අනිවාර්ය පඩි වැඩිකිරීමක් නිසැකවම අත්තනොමතිකා හා නිදහස් වෙළඳ ආර්ථිකයේ මුලිකාංග වලට පටහැනි වන අතර එම පදනමේ සිට ලංකා සේව්‍ය සම්මේලනය මෙම පඩි වැඩි කිරීමේ යෝජනාව තරයේ හෙලා දකින බව එහි අධ්‍යක්ෂ ජනරාල් රවී පිරිස් මහතා ඊයේ (8) වන දින ජිනීවා නුවර පැවැත්වෙන ලෝක කම්කරු සමුළුව අමතමින් ප්‍රකාශ කළේය. ඒ මහතා තවදුරටත් ප්‍රකාශ කලේ සේවායෝජකයින් ලෙස තමුන් මෙම යෝජනාවන්ට එරහිව දැඩි ලෙස ප්‍රතිචාර දක්වමින් පෙන්වාදෙන්නේ මෙවැනි උත්සාහයන් සාමුහික කෙවල් කිරීමේ ක්‍රියාවලියේ හරය නිෂ්පල කරන අතර පාර්ශවකරුවන්ට තමුන්ගේ විවිදවූ කොන්දේසි, තත්වයන් හා අවශ්‍යතාවයන් සැලකිල්ලට ගෙන ගෙවීම් කිරීමට ඇති හැකියාව අහෝසිකරන බවයි.

මෙවර කම්කරු සමුළුව තුලදී ලෝක කම්කරු සංවිධානය ඓතිහාසික කම්කරු ප්‍රමිතියක් නිර්දේශයක (Recommendation) ස්වරුපයෙන් සම්මත කර ගත්තේය. මෙමගින් ලොව ශ්‍රම බලකායෙන් හරි අඩකටත් වඩා සේවය කරන අවිධිමත් අංශයේ සේවය කරන ජනතාවට ශිෂ්ඨ සම්පන්න රැකියාවකට හිමිකම් කීම සඳහා සාමාජික රාජ්‍යයන් විසින් ඇවැසි නීති පැනවීම සඳහා මෙම නිර්දේශය සුවිශාල සේවයක් වනු ඇතැයි අපේක්ෂා කෙරේ.

104 වැනි ILO සැසි වාරයේ 05 වැනි දිනය පෙරේදා (05) දිනයේදී බලහත්කාරයෙන් සේවය ලබා ගැනීම නැවතීමේ ප්‍රෝටකොලය අපරානුමත (Ratify) කල පළමු රාජ්‍යය ලෙස ඉතිහාසයට එක්විය. නයිජර් රාජ්‍යයේ කම්කරු රැකිරක්ෂා හා සමාජ ආරක්ෂණ කටයුතු පිළිබඳ අමාත්‍යය ගරු සැලිසවූ අදා (Salissou Ada)මැතිතුමා ඒ වෙනුවෙන් අත්සන් තැබීය.මෙයට අත්සන් තැබීමෙන් නයිජර් රාජ්‍යයේ පාලක ජනාධිපති අතිගරු මහමදු ඉසොෆ්වූ (Mahamadou Issoufou) මැතිතුමා විසින් තම රාජ්‍යයේ සමාජ විරෝධී ක්‍රියාවන් මැඩලීම සදහා එතුමාගේ ඍජු මැදිහත්වීම මෙයින් පෙනී යන්නේ යැයි අමාත්‍ය තුමා පැවසීය.

ලෝක කම්කරු සමුළුව තුලදී සේවකයන්ගේ සමාජ ආරක්ෂණය සම්බන‍ධයෙන් කරන සාකච්ඡාවට ශ්‍රී ලංකාවේ නිදහස් වෙළඳ කලාපවල සහ පුද්ගලික අංශයේ කම්කරුවන් වෙනුවෙන් නිදහස් වෙළඳ කලාප සහ පොදු සේවා සේවක සංගමයේ ඇන්ටන් මාර්කස් මහතා විසින් මුලාසනයේ අවසරය ඇතිව විශ්ෂ මැදිහත් වීමක් හරහා කරුණු ඉදිරිපත් කළේය.

ලෝක කම්කරු සමුළුවේ මෙවර වැඩකරන ජනතාවගේ නිල නියෝජිත වැවිලි කර්මාන්ත රාජ්‍ය අමාත්‍ය හා එක්සත් ජාතික පක්ෂයට අනුබද්ධිත ලංකා ජාතික වතු කම්කරු සංගමයේ සභාපති කරුපයියා වේලායුදම් මහතා පසුගිය අඟහරුවාදා (9) දින ලාංකික වැඩකරන ප්‍රජාව වෙනුවෙන් සමුළුව ඇමතීය.